Gujarati News

મોરબી, તા.૯: ટંકારા પંથકમાં બોગસ ડોકયુમેન્ટના આધારે ખોટો દસ્તાવેજ બનાવીને આરોપીએ સિરામિક પેઢી બનાવી દોઢ કરોડની છેતરપીંડી આચરી હોવાની પોલીસ ફરિયાદ નોંધાઈ છે.

 પ્રાપ્ત વિગતો મુજબ રાજેશભાઈ રામજીભાઈ બારૈયાએ ટંકારા પોલીસમાં ફરિયાદ નોંધાવી છે કે આરોપી ધર્મેશ રબારી રહે. મોરબી, ધર્મેન્દ્ર રબારી રહે. દ્યુનડા એ બંનેએ ફરિયાદીને જરૂરીયાત પડતા આરોપી પાસે રૂ. ૧૦,૦૦૦ ઉછીના માંગતા આરોપીએ કાવતરું રચીને ફરિયાદીના પાન કાર્ડ અને આધારકાર્ડ ઝેરોક્ષ લઈને તેમજ પાસપોર્ટ સાઈઝ ફોટો મેળવી ફરિયાદીની જાણ બહાર જ ૧૦૦ નો સ્ટેમ્પ પેપર ખરીદી ખોટી સહી કરી ખોટા દસ્તાવેજ બનાવી જીએસટી નંબર ઉપયોગ કરીને કાવ્યા સિરામિક નામની પેઢી બનાવી તા. ૦૭-૦૫-૧૮ થી ૧૯-૦૫-૧૮ ના સમયમાં ૧,૪૮,૭૪,૭૭૫ રૂપિયાની છેતરપીંડી કરી હતી.

 ટંકારા પોલીસે છેતરપીંડી ફરિયાદ નોંધી વધુ તપાસ ચલાવી છે.(૨૨.૭)