Gujarati News

Gujarati News

News of Saturday, 9th June 2018

પોરબંદરમાં ક્ષયના દર્દીઓને કીટ વિતરણ

 પોરબંદર રોટરી કલબ દ્વારા ક્ષયના દર્દીઓને પોષણક્ષમ આહારની કીટનું વિતરણ કરવામાં આવ્યું હતું. પોરબંદરમાં ૭૧ કીટ તથા રાણાવાવમાં ૩૪ કીટનું વિતરણ કરવામાં આવ્યું હતું. જિલ્લા આરોગ્ય અધિકારીશ્રી મોડની ઉપસ્થિતિમાં કીટ વિતરણ કરાય હતી. રોટરી પ્રમુખ જીજ્ઞેશભાઇ લાખાણીએ સ્વાગત પ્રવચન કર્યું હતું. પ્રોજેકટ ચેરમેન વિજયભાઇ મજીઠીયાએ દર્દીઓને માર્ગદર્શનમાં જણાવેલ કે દર ત્રણ મહીને તથા વર્ષમાં ૪ વર્ષ આ કીટ તથા સાથે દવા વિતરણ કરવામાં આવે છે. ડો. જયદીપ લાખાણીએ પોષણક્ષમ આહારનું મહત્વ સમજાવેલ હતું. આભારવિધી રોટરી કલબના પ્રતિશ લાખાણીએ કરી હતી. કાર્યક્રમને સફળ બનાવવા ડો. સુરેશ ગાંધી, ડો. કમલેશ અદાણી, યોગેશ પોપટ, ભરતભાઇ રાજાણી પ્રો. ચેરમેન નીરજ મોનાણી વગેરેએ જહેમત ઉઠાવી હતી. જિલ્લા ક્ષય કેન્દ્રના ડો. દિમા પોપટીયાના માર્ગદર્શન હેઠળ કીટ વિતરણ કરવામાં આવી તે તસ્વીરો. (૮.૧૬)

(12:49 pm IST)
  • ચીનની વુહાન સમિટની જેમ જ આવતા વર્ષે ચીનનાં રાષ્ટ્રપતિ શી ચિનફિંગ અનૌપચારિક શિખર સમ્મેલન માટે ભારત આવશે. ચીનનાં રાષ્ટ્રપતિએ આ બાબતે વડાપ્રધાન મોદીનાં આમંત્રણનો સ્વિકાર કરી લીધો હતો. વિદેશ સચિવ વિજય ગોખલેએ શનિવારે એક પત્રકાર પરિષદ દરમિયાન આ માહિતી આપી. access_time 2:38 am IST

  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST

  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST