Gujarati News

Gujarati News

News of Saturday, 9th June 2018

મોરબીમાં સિગારેટ પીતી વખતે દાઝી ગયેલા પ્રોૈઢ અહેમદભાઇ ચોૈહાણનું મોત

રાજકોટ તા. ૯: મોરબીમાં રહેતાં મુસ્લિમ પ્રોૈઢ દસેક દિવસ પહેલા સિગારેટ પીતી વખતે દાઝી જતાં રાજકોટ સારવાર માટે ખસેડાયા હતાં. અહિ આજે સવારે તેમનું મોત નિપજ્યું છે.

મોરબી રહેતાં અહેમદભાઇ અબ્દુલભાઇ ચોૈહાણ (ઉ.૫૭) દસેક દિવસ પહેલા સિગારેટ પીતા હતાં ત્યારે તણખો કપડા પર પડતાં દાઝી જતાં મોરબી સારવાર અપાવી રાજકોટ સિવિલ હોસ્પિટલમાં ખસેડાયા હતાં. અહિ વહેલી સવારે મોત નિપજતાં હોસ્પિટલ ચોકીના એએસઆઇ થોભણભાઇ ટીલારા અને દિપસિંહ ચોૈહાણે મોરબી પોલીસને જાણ કરતાં હેડકોન્સ. ગોરધનભાઇ કાર્યવાહી માટે રાજકોટ આવ્યા હતાં. મૃતકના સગા હળવદ રહે છે, મૃતક મોરબીમાં એકલા રહેતાં હતાં. અગાઉ પ્રાથમિક કાર્યવાહી એએસઆઇ આર. બી. વ્યાસે કરી હતી. (૧૪.૧૦)

 

 

(12:49 pm IST)
  • અમદાવાદમાં કાલથી હળવા વરસાદની આગાહી: અમદાવાદવાસીઓ પણ અસહય બફારા ઉકળાટથી ત્રસ્ત છેઃ ત્યારે તેઓ માટે થોડા રાહતના સમાચાર છેઃ આવતીકાલથી અમદાવાદમાં હળવા વરસાદની હવામાન ખાતાએ આગાહી કરી છે access_time 11:27 am IST

  • ઉત્તરપ્રદેશનાં 11 જિલ્લામાં તોફાનનાં કારણે 26 લોકોનાં મોત નિપજ્યા છે. જ્યારે 4 જાનવરોનાં પણ મોત નિપજ્યા છે. મુખ્યમંત્રી યોગીઆદિત્યનાથે સંબંધિત જિલ્લા મેજીસ્ટ્રેટોને પ્રભાવિત લોકોને રાહત આપવા માટેનાં નિર્દેશ આપ્યા છે. શનિવારે મુંબઇનાં કેટલાક હિસ્સાઓમાં ભારે વરસાદ થયો હતો જેનાં કારણે માયાનગરીની ગતિ અટકી ગઇ હતી. શહેરનાં કેટલાક હિસ્સાઓમાં પાણી ભરાઇ ગયું હતું. મુંબઇ નજીકના ઠાણેમાં વરસાદ સંબંધિત ઘટનાઓમાં 2 લોકોનાં મોત નિપજ્યા હોવાની માહિતી હતી. access_time 2:39 am IST

  • એક સેટમાં પાછળ રહ્યાં બાદ રોમાનિયાની સિમોના હાલેપે શાનદાર કમબેક કરતા સ્લોએને સ્ટીફન્સને ફ્રેન્ચ ઑપનની ફાઈનલમાં હરાવી પહેલું ગ્રાન્ડસ્લેમ પોતાના નામે કર્યું. દુનિયાની નંબર 1 ખેલાડી હાલેપે બે કલાક અને ત્રણ મિનિટ ચાલેલી આ મેચમાં 3-6, 6-4, 6-1થી જીત મેળવી. અગાઉ હાલેપ ત્રણ ગ્રાન્ડસ્લેમ ફાઈનલમાં હારી ચૂકી છે જેમાં બે વખત રોલેન્ડ ગેરો પર મળેલી હાર પણ શામેલ છે. access_time 2:38 am IST