Gujarati News

Gujarati News

News of Saturday, 9th June 2018

કોડીનાર પાસે વિસ્ફોટક પદાર્થ સાથે બે શખ્સો ઝડપાયા

જીલેટીન સ્ટીકો ૭૦ નંગ, ઈલેકટ્રીક ડીટોનેટર ૩૦ નંગ બાજુબાજુમાં રાખી લઈ જતા'તાઃ મનુ કોળી, ભીમા પામક પાસેથી ૨૨ હજારનો મુદ્દામાલ કબ્જે

કોડીનાર, તા. ૯ :. પંથકના વેળવા ગામના પાટીયા પાસેથી ૧૦૦ નંગ વિસ્ફોટક પદાર્થ સાથે બે શખ્સો દબોચાયા હતા.

વિગત મુજબ ગીર સોમનાથ એસ.ઓ.જી.ના પી.આઈ. અને સ્ટાફ કોડીનાર-ઉના હાઈવે રોડ ઉપર પેટ્રોલીંગમાં હતો ત્યારે ગત રાત્રીના બે વાગ્યે કોડીનારથી ૧૪ કિ.મી.ના અંતરે વેળવા ગામના પાટીયા પાસે શંકાસ્પદ હાલતમાં દેખાયેલા મનુ ભીખાભાઈ કોળી (ઉ.વ. ૧૯, રહે. ઓલવાડ, તા. ઉના) અને ભીમા જેશાભાઈ પામક (રહે. મોટી ફાફણી, તા. કોડીનાર)ની તલાસી લેતા તેની પાસેથી ગેરકાયદે એકસ પ્લોઝીવ વિસ્ફોટક પદાર્થ જીલેટીન સ્ટીકો નંગ ૭૦, કિં. રૂ. ૧૪૦૦ તથા ઈલેકટ્રીક ડીટોનેટર (કંપડી) નંગ ૩૦ કિં. રૂ. ૬૦૦ જાહેરમાં બાજુ બાજુમાં ભયજનક રીતે રાખી બેદરકારી દાખવી હેરાફેરી કરતા પકડી લેવાયા હતા.

આ મામલે પોલીસે ગુન્હો નોંધી બન્ને પાસેથી મોબાઈલ કિં. ૫૦૦, બજાજ ડીસ્કવર મોટર સાયકલ કિં. ૨૦,૦૦૦ મળી કુલ ૨૨,૫૦૦નો મુદામાલ કબ્જે કરી કાર્યવાહી આગળ ધપાવી હતી.(૨-૧૦)

 

(11:51 am IST)
  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST

  • ઉત્તરપ્રદેશનાં 11 જિલ્લામાં તોફાનનાં કારણે 26 લોકોનાં મોત નિપજ્યા છે. જ્યારે 4 જાનવરોનાં પણ મોત નિપજ્યા છે. મુખ્યમંત્રી યોગીઆદિત્યનાથે સંબંધિત જિલ્લા મેજીસ્ટ્રેટોને પ્રભાવિત લોકોને રાહત આપવા માટેનાં નિર્દેશ આપ્યા છે. શનિવારે મુંબઇનાં કેટલાક હિસ્સાઓમાં ભારે વરસાદ થયો હતો જેનાં કારણે માયાનગરીની ગતિ અટકી ગઇ હતી. શહેરનાં કેટલાક હિસ્સાઓમાં પાણી ભરાઇ ગયું હતું. મુંબઇ નજીકના ઠાણેમાં વરસાદ સંબંધિત ઘટનાઓમાં 2 લોકોનાં મોત નિપજ્યા હોવાની માહિતી હતી. access_time 2:39 am IST

  • શિવસેનાએ ભાજપનુ નાક દબાવ્યું: વિધાનસભાની ર૮૮ બેઠકોમાંથી ૧પર બેઠકો માંગીઃ ભાજપને ૧૩૬ બેઠકોની ઓફરઃ સીએમ પણ ઉધ્ધવ પોતાના પક્ષના ઇચ્છે છે જો કે ભાજપ ૧૩૦ થી વધુ બેઠક આપવાના મુડમાં નથી. access_time 3:49 pm IST