Gujarati News

Gujarati News

News of Saturday, 9th June 2018

કચ્છના બેરાજામાં શહિદ એર કોમોડોર સંજય ચૌહાણને અંજલી

 ભુજ : બે દિવસ પહેલાં કચ્છના બેરાજા ગામની સીમમાં જામનગર એરફોર્સ સ્ટેશનના ફાઇટર પ્લેનના ક્રેશ થવાની દુર્ઘટના સર્જાઈ હતી. જેગુઆર ફાઇટર પ્લેનના ક્રેશ થવાની આ દુર્ઘટનામાં એરકોમોડોર સંજય ચૌહાણ વીરગતિ પામ્યા હતા. ભારતીય વાયુસેનાએ પોતાના કર્તવ્યનિષ્ઠ અધિકારીને જયારે દેશે એક વીર સપૂતને ગુમાવ્યો છે. સરક્ષણમંત્રી નિર્મલા સીતારામન અને મુખ્યમંત્રી વિજય રૂપાણી સહિત અનેક આગેવાનોએ એરકોમોડર સંજય ચૌહાણને અંજલી આપી હતી. ત્યારે આ દુર્ઘટના જયાં સર્જાઈ હતી તે મુંદરા તાલુકાના બેરાજા ગામ અને આસપાસના પંથકના અન્ય ગામોના ગ્રામજનોએ દેશના વીરસપૂત એરકોમોડોર સંજય ચૌહાણને ભાવપૂર્ણ અંજલી અર્પણ કરી હતી. આ પ્રસંગે પૂર્વ ધારાસભ્ય રમેશ મહેશ્વરી,મુંદરા તાલુકા પંચાયતના પ્રમુખ રણજીતસિંહ જાડેજા, વલજીભાઈ ટાપરીયા, જીગર છેડા, જગદીશ હાલાઈ અને અન્ય આગેવાનો સહિત ગ્રામજનો મોટી સંખ્યા મા ઉપસ્થિતિ રહ્યા હતા એવું લાલુભા જાડેજાની યાદીમાં જણાવાયું છે. (તસ્વીર - અહેવાલ : વિનોદ ગાલા, ભુજ)

(11:38 am IST)
  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST

  • મુશર્રફનો પાસપોર્ટ-પાકિસ્તાની ઓળખપત્ર સસ્પેન્ડઃ દુબઇમાં રહેવુ ગેરકાનુની થઇ જશેઃ વિદેશયાત્રા પણ કરી શકશે નહિ access_time 4:18 pm IST

  • દિલ્હીના મુખ્યમંત્રી અરવિંદ કેજરીવાલે ઉપ-રાજ્યપાલ સાથે મહત્વપૂર્ણ વિષયો પર ચર્ચા માટે સમય માંગ્યો છે. આનાથી પહેલા કેજરીવાલે ટ્વિટર પર આરોપ લગાવ્યો છે કે, કેન્દ્રિય તપાસ બ્યૂરો (સીબીઆઈ) અને એન્ટી કરપ્શન બ્યૂરો (એસીબી)એ દિલ્હી પાણી પુરવઠા બોર્ડની ફાઈલો ઉઠાવવાનું શરૂ કરી દીધું છે. તેમને ટ્વિટર પર કહ્યું, કોઈ એક વિષય પર તપાસ થઈ રહી નથી, કેમ કે હાલમાં મારી પાસે તે મંત્રાલયની જવાબદારી છે તો તેઓ કોશિશ કરી રહ્યાં છે કે, ગમે તે રીતે મને ફસાવી દેવામાં આવે. અરવિંદ કેજરીવાલે સરકાર પર ગુસ્સો વ્યક્ત કરતાં કહ્યું કે, પીએમ, એલજી અને બીજેપી- જો તમારી પાસે કોઈ વિશેષ જાણકારી છે તો જરૂર તપાસ કરો પરંતુ દિલ્હી સરકારના બધા વિભાગોને પેરાલાઈઝ કરીને દિલ્હીના લોકોને પીડા ના આપો. access_time 2:37 am IST