Gujarati News

Gujarati News

News of Saturday, 9th June 2018

બ્લેકમેઇલીંગ કરતા ભુજમાં બોયફ્રેન્ડ જયેશ પરમારે વિધવા કમળા ગઢવીને પતાવી દીધી'તી

ભુજ તા. ૯ : ભુજના પાલારા પાસે શુક્રવાર તા. ૧/૬ના પેન્ટ શર્ટ પહેરેલી ૩૫ વર્ષીય યુવતીની લાશ મળી આવી હતી. મોઢું છૂંદાયેલી હાલતમાં મળેલી એ લાશની ઓળખ કરતા મૃતક યુવતી કમળા રાણશી ગઢવી હોવાનું અને તેણીની હત્યા કરાઈ હોવાનું ધ્યાને આવ્યા બાદ પોલીસે ઘનિષ્ઠ તપાસ હાથ ધરી હતી. દરમ્યાન એક પછી એક ભેદ ઉકેલતી પોલીસ તપાસમાં આ મર્ડર મિસ્ટ્રી ના રહસ્યો ઉજાગર થતાં જ સનસનીખેજ માહિતી બહાર આવી હતી. ૩૫ વર્ષીય કમળા રાણશી ગઢવી વિધવા હતી અને મુકત મિજાજની હતી.

તેના મુકત મિજાજના કારણે તેના પરિવારે તેનાથી સબંધો કાપી નાખતા તે હાલમાં ભુજની નજીક આવેલા રાયધણપર ગામે રહેતી હતી. આ હત્યા કેસની પશ્ચિમ કચ્છ એલસીબી એ આપેલી માહિતી 'સાવધાન ઇન્ડિયા' અને 'ક્રાઇમ પેટ્રોલ' ટીવી સિરિયલ જેવી છે. મુકત મિજાજની ૩૫ વર્ષીય કમળા ની ફ્રેન્ડશીપ તેનાથી ૮ વર્ષ નાના જયેશ સાથે થઈ. ચાર મહિના પહેલા શરૂ થયેલી કમળા અને પરિણીત જયેશની ફ્રેન્ડશીપ ઘનિષ્ઠ બની બન્નેના અંગત ફોટાઓ મોબાઇલની મેમરીમાં ઉમેરાયા. બસ,ત્યાર પછી કમળાએ પોતાના બોયફ્રેન્ડ જયેશને બ્લેકમેઇલ કરવાનું શરુ કર્યું. જયેશનું પૂરું નામ જયેશ બબાભાઈ પરમાર છે,તે ડ્રાઈવીંગ કરે છે અને પરણેલો છે. તેણે એલસીબી પોલીસને આપેલી કબૂલાત પ્રમાણે તેણે(જયેશે) કમળાને હત્યાના દિવસે કમળાને સનદાદા ના મંદિરે જતા રોડ પર બોલાવી હતી જયાં તેણે બોથડ પદાર્થ વડે કમળાને મો અને માથાના ભાગે ઇજા પહોંચાડી કમળાની હત્યા કરી હતી.

જયેશે પોલીસને એવું જણાવ્યું હતું કે કમળા તેની પાસે મોબાઈલમાં રહેલા જયેશ સાથેના અંગત ફોટા બતાવીને જયેશના પરિવારને તેમના સંબંધોની જાણ કરવાની બીક બતાવી રૂપિયા માંગીને બ્લેકમેઇલ કરતી હતી.

આમ એક પરિણીત પુરુષ અને એક મુકત મિજાજની વિધવા  સ્ત્રી વચ્ચેની અંગત ફ્રેન્ડશીપનો કરુણ અંજામ આવ્યો હતો. આ હત્યાનો ભેદ એલસીબી પીઆઇ જે.એમ.આલ, પીએસઆઇ એમ.બી. ઔસુરા, પોલીસ કર્મીઓ નરેન્દ્ર યાદવ,જેન્તીલાલ મહેશ્વરી, મહિપાલસિંહ યાદવ અને ટીમે માત્ર એક જ અઠવાડિયામાં ઉકેલ્યો હતો.

(11:31 am IST)
  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST

  • અમદાવાદમાં કાલથી હળવા વરસાદની આગાહી: અમદાવાદવાસીઓ પણ અસહય બફારા ઉકળાટથી ત્રસ્ત છેઃ ત્યારે તેઓ માટે થોડા રાહતના સમાચાર છેઃ આવતીકાલથી અમદાવાદમાં હળવા વરસાદની હવામાન ખાતાએ આગાહી કરી છે access_time 11:27 am IST

  • દિલ્હીના મુખ્યમંત્રી અરવિંદ કેજરીવાલે ઉપ-રાજ્યપાલ સાથે મહત્વપૂર્ણ વિષયો પર ચર્ચા માટે સમય માંગ્યો છે. આનાથી પહેલા કેજરીવાલે ટ્વિટર પર આરોપ લગાવ્યો છે કે, કેન્દ્રિય તપાસ બ્યૂરો (સીબીઆઈ) અને એન્ટી કરપ્શન બ્યૂરો (એસીબી)એ દિલ્હી પાણી પુરવઠા બોર્ડની ફાઈલો ઉઠાવવાનું શરૂ કરી દીધું છે. તેમને ટ્વિટર પર કહ્યું, કોઈ એક વિષય પર તપાસ થઈ રહી નથી, કેમ કે હાલમાં મારી પાસે તે મંત્રાલયની જવાબદારી છે તો તેઓ કોશિશ કરી રહ્યાં છે કે, ગમે તે રીતે મને ફસાવી દેવામાં આવે. અરવિંદ કેજરીવાલે સરકાર પર ગુસ્સો વ્યક્ત કરતાં કહ્યું કે, પીએમ, એલજી અને બીજેપી- જો તમારી પાસે કોઈ વિશેષ જાણકારી છે તો જરૂર તપાસ કરો પરંતુ દિલ્હી સરકારના બધા વિભાગોને પેરાલાઈઝ કરીને દિલ્હીના લોકોને પીડા ના આપો. access_time 2:37 am IST