Gujarati News

Gujarati News

News of Saturday, 9th June 2018

આર્કોલોજીકલ સર્વે ઓફ ઇન્ડિયાના ઉચ્ચ અધિકારી સુધી પહોંચ્યો મામલો

દ્વારકાધીશના નિજ મંદિરનું ગેરકાયદે શુટીંગઃ વધુ એક વિવાદ વકર્યો : શરતોનો ભંગ કરનારા સામે ખાતાકીય કાર્યવાહીની પુરેપુરી શકયતા

દ્વારકા તા. ૯ :.. અહીયા ભગવાન શ્રી દ્વારકાધીશ જગત મંદિરમાં રાસોત્સવનું ગેરકાયદે પ્રસારણ અને સીસી ટીવી બંધ હોવા અંગેના વિવાદની શાહી સુકાઇ નથી ત્યાં ફરી નવો વિવાદ ઊભો થયો છે.

દ્વારકાધીશ જગત મંદિરમાં થોડા સમય પહેલાં જ પુરાત્વ વિભાગ પાસેથી જગત મંદિરમાં શુટીંગની મંજૂરી મેળવ્યા બાદ શુટીંગની શરતોનો ખૂલ્લેઆમ ભંગ કર્યો હોય તેમ જગત મંદિરની અંદરનું નિજ મંદિરનું ગેરકાયદેસર શુટીંગ કરાયું હોવા અંગે સ્થાનીય પુરાતત્વ વિભાગના અધિકારી દ્વારા વડોદરા સ્થિત આર્કોલોજીકલ સર્વે ઓફ ઇન્ડીયાની કચેરીનાં અધિકારીને લેખીત જાણ કરાઇ છે.

જે મુજબ મંદિરમાં અંદર શુટીંગ ન કરવા અંગેની શર્ત-'એ' ની મંજૂરી મેળવનાર તથા અન્યો દ્વારા સરેઆમ ભંગ કરનારા વિરૂધ્ધ  ધોરણસરની કાર્યવાહી કરવા જણાવાયું છે.

કહેવાય છે કે, જગત મંદિરની સુરક્ષા અને સલામતીને સ્પર્શતા મામલે સરકાર દ્વારા ઘડાયેલી શર્તોનો ખુલ્લેઆમ ભંગ કરવા બદલ ટૂંક સમયમાં જવાબદારો સામે પગલાં લેવાય તેવી પુરેપુરી શકતા છે.

(11:30 am IST)
  • અમદાવાદ : સીએમએસ ઇન્ફોસિસ્ટમ લિમિટેડના કર્મચારીએ 1 કરોડ 39 લાખની કરી ઉચાપત : કંપની શહેરમાં એટીએમ મશીનમાં નાણાં લોડ કરવાનું કામ કરે છે, જેમાં આરોપી પુર્વિશ ચૌધરી કસ્ટોડિયન તરીકે નોકરી કરતો હતો : ઓડિટ સમયે વાહનમાં પંચર થયું હોવાનું બહાનું કરી આરોપી થઇ ગયો ફરાર access_time 12:43 pm IST

  • દિલ્હીના મુખ્યમંત્રી અરવિંદ કેજરીવાલે ઉપ-રાજ્યપાલ સાથે મહત્વપૂર્ણ વિષયો પર ચર્ચા માટે સમય માંગ્યો છે. આનાથી પહેલા કેજરીવાલે ટ્વિટર પર આરોપ લગાવ્યો છે કે, કેન્દ્રિય તપાસ બ્યૂરો (સીબીઆઈ) અને એન્ટી કરપ્શન બ્યૂરો (એસીબી)એ દિલ્હી પાણી પુરવઠા બોર્ડની ફાઈલો ઉઠાવવાનું શરૂ કરી દીધું છે. તેમને ટ્વિટર પર કહ્યું, કોઈ એક વિષય પર તપાસ થઈ રહી નથી, કેમ કે હાલમાં મારી પાસે તે મંત્રાલયની જવાબદારી છે તો તેઓ કોશિશ કરી રહ્યાં છે કે, ગમે તે રીતે મને ફસાવી દેવામાં આવે. અરવિંદ કેજરીવાલે સરકાર પર ગુસ્સો વ્યક્ત કરતાં કહ્યું કે, પીએમ, એલજી અને બીજેપી- જો તમારી પાસે કોઈ વિશેષ જાણકારી છે તો જરૂર તપાસ કરો પરંતુ દિલ્હી સરકારના બધા વિભાગોને પેરાલાઈઝ કરીને દિલ્હીના લોકોને પીડા ના આપો. access_time 2:37 am IST

  • સીરિયાના બળવાખોર કબ્જાગ્રસ્ત ઇદ્લીબ પ્રાંતના એક ગામ પર રશિયાએ ફરી કર્યા ઘાતક હવાઈ હુમલાઓ : ૬ બાળકો સહિત લગભગ ૪૪ લોકોના મોત થયાનું બહાર આવ્યું : જોકે રશિયાએ આ વાતનો રદિયો આપતાં કહ્યું છે કે તેમણે આ હુમલાઓ નથી કર્યા access_time 12:37 pm IST