Gujarati News

જુનાગઢઃ સોરઠીય શ્રીગોૈડ બ્રાહ્મણ જાગૃત મહીલા મંડળ દ્વારા પારંપારિક હાલરડા સ્પર્ધાનું આયોજન કરવામાં આવ્યું હતું. ગત તા. ૭ ને અખાત્રીજ પરશુરામ જયંતિના પાવન પર્વ નિમીતે જુનાગઢના ટીંબાવાડી- વંથલીરોડ સ્થિત લીલાબા ગ્રંથાલય પટાંગણ ખાતે યોજાયેલ હાલરડા સ્પધર્કામાં ૨૨ વર્ષથી લઇ ૭૨ વર્ષ સુધીના ૨૬ જેટલા બહેનોએ ભાગ લીધો હતો. આ પરંપરાઓ ફરીથી ઉજાગર કરવા આ મંડળના બહેનો દ્વારા જાતે ગાઇને કમ્પોઝ કરેલ. સ્પર્ધા પૂર્ણ થયા બાદ પ્રથમ ૩ વિજેતાઓને ઇનામો અપાયા હતા. આ સમગ્ર સ્પર્ધાને સફળ બનાવવા મંડળના પ્રમુખ રંજનબેન પંડયા, ઉપપ્રમુખ પ્રતિભાબેન પુરોહિત, મંત્રી ભારતીબેન ભટ્ટ સહિતના બહેનોએ જહેમત ઉઠાવી હતી.