Gujarati News

Gujarati News

News of Thursday, 9th April 2020

૧૫ એપ્રિલ બાદ લોકડાઉન લંબાય તો

વીછીંયામાં ફરજ પર તૈનાત સરકારી કર્મચારીઓને ઉમિયા શૈક્ષણિક સંકુલે કરી ભોજન વ્યવસ્થા

વિંછીયા તા.૯ : હાલ કોરોના વાયરસથી દેશભરમાં લોકડાઉન છે. કોરોનાનો કહેર જોતા લોકડાઉનની સમય મર્યાદા વધી શકે છે તેવા સમયે જો તા.૧૫-૪-૨૦૨૦ થી સરકાર દ્વારા લોકડાઉનમાં વધારો કરાય તો તા.૧૫-૪ થી જાનની બાજી લગાવી ફરજમાં તૈનાત સર્વ સેવાકર્મીઓને બપોરના ભોજનની વ્યવસ્થા કરવાની ઉમિયા શૈક્ષણિક સંકુલના પ્રમુખ ભૂપતભાઇ સુંદરભાઇ કેરાળીયાએ જાહેરાત કરી હોવાની યાદી જણાવે છે.

યાદીમાં વધુમાં જણાવ્યા મુજબ વિંછીયામાં પોતાની જાનની અને પરિવારની પરવા કર્યા વિના મામલતદાર વિભાગ, પોલીસ વિભાગ, આરોગ્ય વિભાગ અને જીઇબી વિભાગના કર્મીઓ ફરજ બજાવે છે. તેઓ માટે તા.૧૫-૪ થી જમવાની વ્યવસ્થા ઉમિયા શૈક્ષણિક સંકુલમાં વિંછીયાથી ૩ કિમી દૂર બોટાદ રોડ પર કરાઇ છે. જે જે કર્મચારીઓ જમવા માંગતા હોય તેમણે મામલતદાર કચેરી સાંબડભાઇ, જીઇબી કચેરી ચાવડા સાહેબ, પોલીસ સ્ટેશન સ્ટાફ વિક્રમસિંહ ગોહિલ, આરોગ્ય વિભાગ નટુભાઇ ગામીતનો સંપર્ક કરી પાસ મેળવી લેવા એક યાદીમાં જણાવેલ છે. વધુ વિગત માટે ઉમિયા શૈક્ષણિક સંકુલ પ્રમુખ ભુપતભાઇ કેરાળીયા મો. ૯૪૨૭૫ ૦૫૧૫૧ ઉપર સંપર્ક કરવો.

(11:49 am IST)
  • પોરબંદર જિલ્લા માટે રાહતના સમાચાર : પોરબંદરમાં પ્રથમ કોરોના પોઝિટિવ મહિલાનો રિપોર્ટ નેગેટિવ આવ્યો :અગાઉ આ 48 વર્ષીય મહિલાનો રિપોર્ટ પોઝિટિવ આવ્યો હતો access_time 9:47 pm IST

  • અનંત મુકેશભાઈ અંબાણીનો જન્મદિન : પરિમલ નથવાણીએ અભિનંદન આપ્યા : રિલાયન્સ ઈન્ડસ્ટ્રીઝના યુવા સંચાલક શ્રી અનંત અંબાણીનો જન્મદિવસ છે. રિલાયન્સ ઈન્ડસ્ટ્રીઝના સીનીયર ગ્રુપ પ્રેસીડેન્ટ અને રાજયસભાના સભ્ય શ્રી પરિમલભાઈ નથવાણીએ મોડીરાત્રે ટ્વીટ કરી ભગવાન દ્વારકાધીશના આર્શીવાદ સતત વરસતા રહે તેવી શુભેચ્છા પાઠવી હતી. access_time 1:07 pm IST

  • રાજકોટના ૬૨ રીપોર્ટ નેગેટીવ : ૩ રીપોર્ટ પેન્ડીંગઃ મ્યુનિસિપલ કમિશ્નર ઉદીત અગ્રવાલની જાહેરાત access_time 12:14 pm IST