Gujarati News

Gujarati News

News of Tuesday, 9th March 2021

જેતપુરના નાના ચોક વિસ્તારમાં જૂગાર રમતા ૩ પુરૂષો ૧ મહિલા ઝડપાઇ

(કેતન ઓઝા દ્વારા) જેતપુર તા. ૯ :..  નાઇટ પેટ્રોલીંગમાં પોલીસ સ્ટાફ નીકળેલ દરમ્યાન નાના ચોક વિસ્તારમાં જાહેરમાં જૂગાર રમાતો હોવાની બાતમીના આધારે નાના ચોક વિસ્તારમાં હિનાબેન શેખના રહેણાંક મકાન પાસે જૂગાર અંગેની રેડ કરતા જાહેરમાં તીનપતીનો જૂગાર રમતા  બચુ જીણાભાઇ વઘાસીયા (રહે. અમરનગર રોડ, વેકરીયા નગર) આરીફ ઓસમાણભાઇ મકવાણા (રહે. હુસેની ચોક) હિતેન્દ્ર દલપતભાઇ વૈદ (રહે. તીરૂપતી સોસાયટી) તેમજ એક મહિલા હીનાબેન ઘનશ્યામભાઇ શેખ (રહે. ગોંડલ) ને રોકડા રૂપિયા પ૩૦૦ સાથે પકડી પાડી ધોરણસરની કાર્યવાહી હાથ ધરેલ.

અત્રે ઉલ્લેખનીય છે કે હોળીનો તહેવાર નજીક આવતો હોય રાત્રે પારંપરીક રમતના નામે મોટાપાયે નાળીયેરનો જૂગાર રમાતો હોય છે. મોડી રાત સુધી રાડો પાડી લોકોને ડિસ્ટર્બ કરતા હોય છે. પોલીસ આવા જુગારને ડામે તેવી લોકમાંગ ઉઠી છે.

(1:14 pm IST)
  • સાંજે ૪:૩૦ વાગ્યે ઉત્તરાખંડના ભાજપના મુખ્યપ્રધાન ત્રિવેન્દ્રસિંહ રાવતે અંતે રાજીનામુ આપી દીધુ છે : તેમના સ્થાને મોટાભાગે અનિલ બલૂની મોખરે દોડે છે : વિકલ્પે ધનસિંહ રાવતનું નામ પણ ચર્ચામાં છે access_time 4:33 pm IST

  • રશિયા દ્વારા ગૂગલ, ફેસબુક, ટ્વિટર, ટિકટોક, ટેલિગ્રામ પર સરકાર દ્વારા નિર્દેશિત પ્રોટેસ્ટ કન્ટેન્ટને ડિલીટ ન કરવા બદલ કડક સેક્શન હેઠળ કેસ કરવામાં આવ્યો તેમ એક આંતરાષ્ટ્રીય ન્યુઝ સર્વિસે જણાવ્યું છે access_time 11:50 pm IST

  • મુંબઇ : શેરબજારમાં તેજી : ર.૩૦ કલાકે સેન્‍સેકસ ર૩૩ પોઇન્‍ટ વધીને પ૦૬૭૪ : નીફટી ૪ર પોઇન્‍ટ વધીને ૧૪૯૯૮ : પ્રાઇવેટ બેંકના શેર્સ અપ : મેટલ ધડામ access_time 3:40 pm IST