Gujarati News

Gujarati News

News of Tuesday, 9th March 2021

અમરેલીમાંથી યુવકનું અપહરણ કરીને માર મારી ધમકી આપી

(અરવિંદ નિર્મળ દ્વારા) અમરેલી, તા., ૯: અમરેલી ચિતલ રોડ અંધશાળા નજીક તેમજ અલગ-અલગ જગ્યાએ ફોર વ્હીલમાં અપહરણ કરી સાગરભાઇ કનુભાઇ ચાવડા અનુજાતી (ઉવ.ર૬)ને પ્રતિક અશોક ગોહીલ, પરીમલ આહીર, હિતેશ જગુ ભેડા અને બે અજાણ્યા શખ્સોએ માર મારી ધમકી આપ્યાની અમરેલી સીટી પોલીસ મથકમાં ફરીયાદ નોંધાવી છે.

બંદુક સાથે

સાવરકુંડલા તાલુકાના જીરા ગામે રહેતા સલીમ ઇબ્રાહીમ લાકડ, શેરખાન નુરા લાકડને પરવાના વગરની દેશી જામગરી બંદુક સાથે આર.એફ.ઓ. કપીલભાઇએ ઝડપી  લઇ સાવરકુંડલા પોલીસ મથકમાં મુદામાલ સાથે સોંપી ફરીયાદ નોંધાવી હતી.

દારૂ જપ્ત

જાફરાબાદ તાલુકાના બાબરકોટ માઇન્સ વિભાગ પાસેથી ભરત નાનજી મારૂ, કાંતી દેવસી મારૂને ૧ર બોટલ ઇંગ્લીશ દારૂ અને બાઇક જી. જે. ૦ર-૩૯૮૦ સાથે રૂ. ૧૮,૬૦૦ ના મુદામાલ સાથે પો. કોન્સ. નરેન્દ્રભાઇ વરૂએ ઝડપી પાડયા હતાં.

જુગાર

દામનગરના સુવાગઢ ગામે જાહેરમાં જૂગાર રમતા હસમુખ વલ્લભ સોલંકી, રમેશ રણછોડ જીંજરીયા, રસીક ભીખા ચુડાસમાને પો. કોન્સ. વિશ્વજીતસિંહ ગોહીલે રોકડ રૂ. ૧ર,૯૬૦ ના મુદામાલ સાથે ઝડપી પાડયા હતાં.

મારામારી

ખાંભા તાલુકાના ત્રાકુડા ગામે જુના મનદુઃખના કારણે ધીરૂભાઇ વશરામભાઇ પરમાર ઉ.૩૬ નેધીરૂભાઇ વિંઝુડા, વનરાજ મગન વિંઝુડાએ ગાળો બોલી લાકડી વડે મારમારી ધમકી આપ્યાની ખાંભા પોલીસ મથકમાં ફરીયાદ નોંધાવી છે. જયારે સામા પક્ષે જીવરાજ, ધીરૂ વશરામ પરમાર, ભગા આલા રાઠોડે ગાળો બોલી સમજુબેનના દિકરાને ધમકી આપ્યાની ખાંભા પોલીસ મથકમાં ફરીયાદ નોંધાવી છે.

(1:07 pm IST)
  • કેન્દ્ર સરકારે દેશની ૪૪ કંપનીઓને ડિફેન્સ ક્ષેત્રમાં એફડીઆઈની મંજૂરી આપી: આ કંપનીઓ સીધું વિદેશી રોકાણ સ્વીકારી શકશે: એફડીઆઈ અંતર્ગત કંપનીઓને ૪૧૯૧ કરોડ રૂપિયા મળે તેવી શક્યતા: આ રકમ સંરક્ષણ ક્ષેત્રે ઉત્પાદન માટે ખર્ચાશે: રોકાણમાંથી એરક્રાફ્ટ, ડિફેન્સ સિસ્ટમ, રડાર સિસ્ટમ વગેરેનું દેશમાં જ નિર્માણ થઈ શકશે access_time 1:07 am IST

  • મુંબઈ શહેરમાં આજે કોરોના ઇન્ફેક્શનના નવા 1,008 કેસ નોંધાયા છે, પરંતુ વાસ્તવિક ચિંતાના સમાચાર ધારાવી તરફથી આવી રહ્યા છે : આજે ધારાવી ઝૂંપડપટ્ટી વિસ્તારમાં 18 પોઝિટિવ કેસ નોંધાયા છે : છેલ્લે 23 ઓક્ટોબર, 2020 ના રોજ ચાર મહિના પહેલા આ વિસ્તારમાં 18 કેસ નોંધાયા હતા.(ન્યૂઝફર્સ્ટ) access_time 10:27 pm IST

  • રશિયા દ્વારા ગૂગલ, ફેસબુક, ટ્વિટર, ટિકટોક, ટેલિગ્રામ પર સરકાર દ્વારા નિર્દેશિત પ્રોટેસ્ટ કન્ટેન્ટને ડિલીટ ન કરવા બદલ કડક સેક્શન હેઠળ કેસ કરવામાં આવ્યો તેમ એક આંતરાષ્ટ્રીય ન્યુઝ સર્વિસે જણાવ્યું છે access_time 11:50 pm IST