Gujarati News

Gujarati News

News of Tuesday, 9th March 2021

વાસાવડી નદીના પુલ ઉપર બોલેરોએ બાઇકને અડફેટે લેતા વૃધ્ધ દંપતી ખંડિત

દેરડી કુંભાજીથી દવા લઇને વાસાવડ પરત આવી રહ્યા હતા

ગોંડલ,તા.૯:  તાલુકાના વાસાવડ ગામે આવેલ વાસાવડી નદીના પુલ ઉપર બોલેરો ચાલકે બાઈકને અડફેટે લેતા સર્જાયેલા અકસ્માતમાં વૃદ્ઘ દંપતી ગંભીર રીતે ઘવાયુ હતું સારવાર દરમિયાન વૃદ્ઘાનું મોત નીપજયું હતું જયારે ગંભીર ઇજા સાથે વૃદ્ઘને ગોંડલ બાદ રાજકોટ હોસ્પિટલ ખસેડાયા હતા.

વિગતો મુજબ તાલુકાના વાસાવડ ગામે ખાંડીયાપરા વિસ્તારમાં રહેતા ઠાકરશીભાઈ મેર પત્ની હંસાબેનની દેરડી કુંભાજીથી દવા લઈ પરત વાસાવડ બાઈક GJ5DP ૪૫૪૦ ઉપર આવી રહ્યા હતા ત્યારે વાસાવડી નદીના પુલ ઉપર માતેલા સાંઢની માફક દોડી આવી રહેલા GJ18GA 0753 ના ચાલકે અડફેટે લેતા સર્જાયેલા અકસ્માતમાં વૃદ્ઘ દંપતી રોડ પર પટકાતા ગંભીર રીતે ઘવાયુ હતું બાદમાં ૧૦૮ ઇમર્જન્સી સેવા ની મદદથી ગોંડલ ખાનગી હોસ્પિટલમાં ખસેડાયા હતા જયાં વૃદ્ઘા હંસાબેનનું સારવાર દરમિયાન મોત નીપજયું હતું જયારે ગંભીર હાલતમાં ઠાકરશીભાઈ ને રાજકોટ હોસ્પિટલે ખસેડાયા હતા.આ બનાવ અંગે તાલુકા પોલીસે વિજયભાઈ ઠાકરશીભાઈ મેર ની ફરિયાદ પરથી બોલેરો ચાલક વિરુદ્ઘ આઇપીસી કલમ ૨૭૯ ૩૩૭ ૩૩૮ ૩૦૪ એમ વી એકટ કલમ ૧૭૭ ૧૮૪ મુજબ ગુનો નોંધી વધુ તપાસ હાથ ધરી હતી.

વૃદ્ઘ દંપતિને સંતાનમાં ત્રણ દીકરાઓ છે જેમાંથી બે દીકરા સુરેશભાઈ અને જગદીશભાઈ પરિવાર સાથે સુરત રહે છે ત્રીજા નંબરના દીકરા વિજયભાઈ સાથે વૃદ્ઘ દંપતી જીવન નિર્વાહ કરી રહ્યું હતું.

(11:30 am IST)
  • દેશમાં કોરોનાના નવા કેસમાં આંશિક ઘટાડો : નવા કેસ કરતા રિકવર થનારની સંખ્યા વધી : એક્ટિવ કેસ પણ ઘટયા : રાત્રે 12 વાગ્યા સુધીમાં કોરોનાના નવા 16,846 કેસ નોંધાયા :કુલ કેસની સંખ્યા 1,12,61,470 થઇ :એક્ટિવ કેસ 1,81,143 થયા વધુ 20,138 દર્દીઓ સ્વસ્થ થતા કુલ 1,09,17,624 થયા :વધુ 113 લોકોના મોત સાથે કુલ મૃત્યુઆંક 1,58,079 થયા: દેશમાં સૌથી વધુ મહારાષ્ટ્રમાં નવા 9927 નવા કેસ નોંધાયા access_time 12:59 am IST

  • મુંબઈ શહેરમાં આજે કોરોના ઇન્ફેક્શનના નવા 1,008 કેસ નોંધાયા છે, પરંતુ વાસ્તવિક ચિંતાના સમાચાર ધારાવી તરફથી આવી રહ્યા છે : આજે ધારાવી ઝૂંપડપટ્ટી વિસ્તારમાં 18 પોઝિટિવ કેસ નોંધાયા છે : છેલ્લે 23 ઓક્ટોબર, 2020 ના રોજ ચાર મહિના પહેલા આ વિસ્તારમાં 18 કેસ નોંધાયા હતા.(ન્યૂઝફર્સ્ટ) access_time 10:27 pm IST

  • કાલાવડ તાલુકાના પ્રગતિશીલ ખેડૂત વિશાલભાઇ જેસડીયા એ ૧ વીઘામાંથી માત્ર ૨ માસમાં ૩૦૦૦ કિલો સ્ટ્રોબેરીનું ઉત્પાદન કરી, ૨ લાખથી વધુનું વળતર મેળવ્યું તથા બાર વીઘાના વિસ્તારમાં 65000 ડ્રેગન ફ્રુટના રોપા વાવી, સૌ ખેડૂતમિત્રો સામે પ્રેરણાત્મક ઉદાહરણ બન્યા છે. access_time 3:57 pm IST