News of Friday, 9th March 2018

જુનાગઢના માલણકાના સરકારી દવાખાનામાં આરોગ્ય કર્મી વિભાબેન રામકબીરનો રાત્રે આપઘાત

તપાસણી રૂમમાં મોતને મીઠુ કર્યું :કારણ અકળ

જુનાગઢ તા. ૯ : મેંદરડાના માલણકાના સરકારી દવાખાનામાં રાત્રે આરોગ્ય કર્મી વિભાબેન રામકબીરે આપઘાત કરી લેતા અરેરાટી સાથે સનસની ફેલાઇ ગઇ હતી.

આ અંગેની વિગતો એવી ગીર-સોમનાથ જિલ્લાના વેરાવળ તાલુકાના લુંભા ગામના વિભાબેન દિપકભાઇ રામકબીર (ઉ.ર૧) જુનાગઢ જીલ્લાના મેંદરડા તાલુકાના માલણકા ગામના પેટા આરોગ્ય કેન્દ્રમાં છેલ્લા આઠ માસથી ફિમેલ હેલ્થ વર્કરની ફરજ બજાવતા હતા.

દરમ્યાનમાં ગઇકાલે મહિલા દિવસની રાત્રીના ૭-પપ ની આસપાસ પેટા પ્રાથમીક આરોગ્ય કેન્દ્રના તપાસણી રૂમમાં વિભાબેન લટકતા મળી આવ્યા હતા.

આ અંગેની જાણ થતા મેંદરડા પોલીસે દોડી જઇ રામાનંદી સાધુ આરોગ્ય કર્મચારીની લાશ પોસ્ટ મોર્ટમ માટે મોકલી આપી હતી.

વિભાબેનના આપઘાત પાછળનું કારણ બહાર આવેલ નથી વિશેષ તપાસ પોલીસ જમાદાર કે.બી. ચુડાસમા ચલાવી રહ્યા છે.

(1:01 pm IST)
  • ગાંધીનગરમાં પુરપાટ જઇ રહેલા રર લાખનાં બાઇક સાથે ગાય અથડાતા યુવકનું મોત access_time 3:49 pm IST

  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST