Gujarati News

Gujarati News

News of Friday, 9th March 2018

સુરેન્દ્રનગર સબજેલમાં કેદીનું મોતઃ પતિ અને સંતાનોની હત્યા કરી'તી

ભુપત નાટીયાનું હદયરોગના હુમલાથી મોત ચોટીલાના હિરાસરમાં પત્ની અને પુત્ર-પુત્રીની ત્રણ વર્ષ પહેલા હત્યા કરી'તીઃ મૃતદેહને ફોરેન્સીક માટે રાજકોટ ખસેડાયો

વઢવાણ, તા. ૯ : સુરેન્દ્રનગરની સબજેલમાં ચોટીલા ખાતે થોડા સમય પહેલા પોતાની પત્ની અને સંતાનોની હત્યાના ગુનામાં સજા ભોગવનાર નિવૃત ભૂપતભાઇ લાખાભાઇનું મોત નિપજયું છે.

ચોટીલા ખાતે થોડા સમય પહેલા જ ચકચાર જગાવનાર હત્યા કેસમાં નિવૃત આર્મીમેન ભૂપતભાઇ લાખાભાઇએ પોતાની પત્ની તેમજ સંતાનોની હત્યા કરી હતી.

જે બાદ ભૂપતભાઇને સુરેન્દ્રનગરની સબજેલમાં મોકલી આપવામાં આવ્યા હતા. ત્યારે આજરોજ કેદી ભૂપતભાઇને તપાસ દરમિયાન હોસ્પિટલમાં લઇ જતા હતાં તે દરમિયાન જેલના દરવાજા પાસે જ તે ઢળી પડયા હતાં અને તેમનું મોત નિપજયું હોવાનું તબીબોએ જાહેર કર્યું હતું.

જોકે સુરેન્દ્રનગરની સબજેલમાં થયેલા કેદીના મોતનું રહસ્ય અકબંધ રહ્યું છે.

 સુરેન્દ્રનગર જેલમાં કાચા કામનો કેદી ભુપત લાખાભાઇ નાટીયા (કોળી) (ઉવ.૪૫)ને ગઇકાલે છાતીમાં દુઃખાવો ઉપડતા તેને સારવાર માટે સુરેન્દ્રનગરની હોસ્પિટલમાં ખસેડાયો હતો. ત્યા તેનું સારવાર દરમ્યાન મોત નિપજ્યુ હતુ. જાણ થતા સુરેન્દ્રનગર પોલીસે ફોરેન્સીક પીએમ માટે ભુપત નાટીયાના મૃતદેહને રાજકોટ સિવિલ હોસ્પિટલમાં ખસેડાયો છે મૃતક ભુપત નાટીયા સીઆરપીએફ ફરજ બજાવતો હતો. તેણે તા.૨૩-૬-૧૬ના રોજ પત્ની તથા પુત્ર અને પુત્રીની ફાયરીંગ કરી હત્યા કરી હતી.

(1:00 pm IST)
  • જીતેન્દ્ર પરના જાતિય શોષણના કેસમાં નવો વળાંક : તેની કઝિને ફેરવી તોળ્યું, હવે કહ્યું ‘માત્ર છેડતી કરી હતી, સંબંધ નહોતો બાંધ્યો’ access_time 9:24 am IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • પાકિસ્તાનને અમેરિકાનો વધુ એક ઝટકો : 3 આતંકવાદીઓ પર જાહેર કર્યા 70 કરોડના ઈનામ : મુલ્લા ફઝલુલ્લાહ પર 5 મિલિયન ડૉલર (લગભગ 32 કરોડ રૂપિયા) અને બાકીના બંને અબ્દુલ વલી અને મનાલ વાઘ પર ત્રણ-ત્રણ મિલિયન ડોલર (એટલે કે 19-19 કરોડ)નું ઈનામ રાખવામાં આવ્યું છે. access_time 1:16 pm IST