Gujarati News

Gujarati News

News of Friday, 9th March 2018

ગોંડલના ઉદ્યોગપતિ દ્વારા ગરીબ પરિવારને મકાનની સહાય

 ગોંડલ : ઉનાળાનો બળબળતો તાપ, શિયાળાની કડકડતી ઠંડી હોય કે ચોમાસામાં વરસતો વરસાદ ઘણા શ્રીમંતો દ્વારા આવી ઋતુ અનુરૂપ દાન અને સેવા કરવામાં આવતી હોય છે ત્યારે ગોંડલના જીઆઇડીસીમાં રાજ ઇન્ડસ્ટ્રીઝ તરીકે કારખાનું ધરાવતા અને લાયન્સ કલબના પ્રમુખ તરીકેનો હોદ્દો ધરાવતા ગિરધરભાઈ રહ્યાની પરિવાર દ્વારા શહેરના નેશનલ હાઈવે પર સુરેશ્વર ચોકડી પાસે ઝૂપડપટ્ટીમાં રહેતા ત્રણ પરિવારને ૧૨*૧૨ના રૂમ ન ત્રણ મકાનો બનાવી આપી ભેટ અપાતા ગરીબ પરિવારમાં હરખની હેલી ફેલાઇ જવા પામી હતી આ ઘડીએ ગોંડલ હવામહેલ રાજવી પરિવારના જયોતિર્મયસિંહજી, લાયન્સ કલબના ડિસ્ટ્રિકટ ગવર્નર હિતેશભાઈ ગણાત્રા તેમજ ગોંડલ લાયન્સ કલબની ટીમ હાજર રહી હતી અને ગિરધરભાઈ ના આ પ્રયાસની સરાહના કરી હતી. ઝૂંપડપટ્ટીમાં રહેતો ૩ દેવીપુજક પરિવાર પાકું મકાન મેળવી હરખઘેલો બન્યો હતો. (તસ્વીર - અહેવાલ : જીતેન્દ્ર આચાર્ય, ગોંડલ)

(11:44 am IST)
  • ઉત્તર પ્રદેશ સમાજવાદી પક્ષના ઉમેદવાર જયા બચ્ચને શુક્રવારે રાજ્યસભા માટે નામાંકન ભર્યું છે. તેમણે વિધાનસભાના સેન્ટ્રલ હોલમાં નોમિનેશન દાખલ કર્યું હતું. આ દરમિયાન સ.પા.ના પ્રમુખ અખિલેશ યાદવના પત્ની સાંસદ શ્રીમતી ડિમ્પલ યાદવ, સ.પા.ના ઉપપ્રમુખ કિરણ મય નંદા, સ.પા.ના રાષ્ટ્રીય સચિવ રાજેન્દ્ર ચૌધરી અને સહારા ગ્રૂપના ચેરમેન સુબ્રતા રોય સહારા પણ હાજર રહ્યા હતા. access_time 8:42 pm IST

  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST

  • સુરત -જિલ્લા એસ.પી.એ પ્રવીણ તોગડીયાના અકસ્માતમાં મામલે પી.એસ.આઈ. રાજીવ સંધાડા અને બે કોન્સ્ટેબલ જીવન ભાઈ અને કોન્સ્ટેબલ રાજેન્દ્ર સિસોળેને કર્યા સસ્પેન્ડ access_time 9:24 am IST