Gujarati News

Gujarati News

News of Friday, 9th March 2018

રંઘોળા અકસ્માતમાં મૃત્યુઆંક ૩પ

ઇજાગ્રસ્ત વધુ એક યુવતિના મોતથી અરેરાટી

 ભાવનગર તા. ૯ :.. ભાવનગર નજીક રંઘોળા પાસે સર્જાયલા ગમ્ખ્વાર અકસ્માતનો મૃત્યુઆંક વધી રહ્યો છે. આજે સવારે વધુ એક ઇજાગ્રસ્ત યુવતીનું મોત નિપજતાં આ દુર્ઘટનાનો મૃત્યુઆંક વધી ૩પ સુધી પહોંચી ગયો છે.ભાવનગર-રાજકોટ હાઇવે ઉપર રંઘોળા નજીક અનીડા ગામની જાનને નડેલા અકસ્માતમાં ૩૧ નાં મોત અને ૩૦ જેટલા ગંભીર રીતે ઘવાયેલા આ બનાવ બાદ રોજ રોજ ઇજાગ્રસ્તો પૈકી એકનું મોત નિપજી રહ્યું છે. આજે શુક્રવારે વધુ એક ઇજાગ્રસ્તનું મોત નિપજતાં બનાવનો મૃત્યુ આંક વધી ૩પ ને આંબી ગયો છે. હજુ ૭ ગંભીર રીતે ઘવાયેલા છે.મળતી વિગતો મુજબ શહેરની સર ટી. હોસ્પિટલમાં સારવાર લઇ રહેલા આ દુર્ઘટનાનાં ઇજાગ્રસ્ત સોનલબેન જગદીશભાઇ પરમાર ઉ.૧૭ નું આજે સવારે સારવાર દરમ્યાન મોત નિપજયુ હતું.

(11:27 am IST)
  • દેશભરમાં ચકચારી બનેલ આરુષી હત્યા કેસમાં અલાહાબાદ હાઈકોર્ટ દ્વારા તલવાર દંપતીને છોડી મુકવાના આદેશ સામે CBIએ સુપ્રીમ કોર્ટમાં કરી અરજી access_time 9:25 am IST

  • પાકિસ્તાનને અમેરિકાનો વધુ એક ઝટકો : 3 આતંકવાદીઓ પર જાહેર કર્યા 70 કરોડના ઈનામ : મુલ્લા ફઝલુલ્લાહ પર 5 મિલિયન ડૉલર (લગભગ 32 કરોડ રૂપિયા) અને બાકીના બંને અબ્દુલ વલી અને મનાલ વાઘ પર ત્રણ-ત્રણ મિલિયન ડોલર (એટલે કે 19-19 કરોડ)નું ઈનામ રાખવામાં આવ્યું છે. access_time 1:16 pm IST

  • ઉત્તર પ્રદેશ સમાજવાદી પક્ષના ઉમેદવાર જયા બચ્ચને શુક્રવારે રાજ્યસભા માટે નામાંકન ભર્યું છે. તેમણે વિધાનસભાના સેન્ટ્રલ હોલમાં નોમિનેશન દાખલ કર્યું હતું. આ દરમિયાન સ.પા.ના પ્રમુખ અખિલેશ યાદવના પત્ની સાંસદ શ્રીમતી ડિમ્પલ યાદવ, સ.પા.ના ઉપપ્રમુખ કિરણ મય નંદા, સ.પા.ના રાષ્ટ્રીય સચિવ રાજેન્દ્ર ચૌધરી અને સહારા ગ્રૂપના ચેરમેન સુબ્રતા રોય સહારા પણ હાજર રહ્યા હતા. access_time 8:42 pm IST