Gujarati News

Gujarati News

News of Thursday, 8th March 2018

વાંકાનેરના જાલસીકા પાસે આહિર યુવક અને કોળી યુવતિના મૃતદેહ મળ્યાઃ પ્રેમ પ્રકરણ હોવાની ચર્ચા

વાંકાનેરઃ વાંકાનેરના જાલસીકા પાસે આહિર યુવક અને કોળી યુવતિના ઝેરી દવા પીધેલી હાલતમાં મૃતદેહ મળતા પોલીસે તપાસનો ધમધમાટ શરૂ કર્યો છે.

મળતી વિગતો મુજબ વાંકાનેર તાલુકાના જાલસીકા ગામના જનક દેવાયતભાઇ લોખીલ (આહિર, ઉ.વ.૨૮) અને જગુબેન કુંવરજીભાઇ બાવળીયા (કોળી, ઉ.વ.૨૧, રહે. વાંકવડ, તા. કુવાડવા)ના ઝેરી દવા પીધેલી હાલતમાં જાલસીકાના વિડી વિસ્‍તારમાં મચ્‍છુ-૧ નજીકથી મૃતદેહ મળી આવ્યા છે. મૃતદેહોને વાંકાનેરની સિવિલ હોસ્પિટલ ખાતે ખસેડવામાં આવ્‍યા છે. પી.અેસ.આઇ. વી.ડી. પરમાર અને સ્‍ટાફે તપાસનો ધમધમાટ શરૂ કર્યો છે. ઝેરી દવા પી લેનાર જનકભાઇ લોખીલ અને જગુબેન બાવળીયાની વાડી નજીકમાં જ હોવાથી બંને વચ્‍ચે પ્રેમ પ્રકરણ હોવાનું ચર્ચાઇ રહ્યું છે અને તેના કારણે બંનેઅે ઝેરી દવા પી લીધી હોવાનું મનાય છે. આ બંને ૨૪ કલાક પહેલા ઘરેથી નાસી છૂટ્યા બાદ આ પગલુ ભર્યાનું પોલીસની પ્રાથમિક તપાસમાં ખુલ્યું છે.

(8:04 pm IST)
  • જીતેન્દ્ર પરના જાતિય શોષણના કેસમાં નવો વળાંક : તેની કઝિને ફેરવી તોળ્યું, હવે કહ્યું ‘માત્ર છેડતી કરી હતી, સંબંધ નહોતો બાંધ્યો’ access_time 9:24 am IST

  • સૌરાષ્ટ્ર યુનિવર્સીટીમાં અનામત મુદ્દે પરિપત્રની હોળી કરાઈ :જૂની પધ્ધતિ મુજબ જ અમલીકરણ ચાલુ રાખવા માંગણી :કેમ્પસ ઉપર ગ્રાન્ટ કમિશનના પરિપત્રની હોળી access_time 12:06 am IST

  • ઉત્તર પ્રદેશ સમાજવાદી પક્ષના ઉમેદવાર જયા બચ્ચને શુક્રવારે રાજ્યસભા માટે નામાંકન ભર્યું છે. તેમણે વિધાનસભાના સેન્ટ્રલ હોલમાં નોમિનેશન દાખલ કર્યું હતું. આ દરમિયાન સ.પા.ના પ્રમુખ અખિલેશ યાદવના પત્ની સાંસદ શ્રીમતી ડિમ્પલ યાદવ, સ.પા.ના ઉપપ્રમુખ કિરણ મય નંદા, સ.પા.ના રાષ્ટ્રીય સચિવ રાજેન્દ્ર ચૌધરી અને સહારા ગ્રૂપના ચેરમેન સુબ્રતા રોય સહારા પણ હાજર રહ્યા હતા. access_time 8:42 pm IST