Gujarati News

Gujarati News

News of Thursday, 8th March 2018

સૌરાષ્ટ્ર-કચ્છમાં ધોમધખતો તાપ ખંભાળીયા-દ્વારકા રોડ ઉપર ઝાકળવર્ષા

મહતમ તાપમાનમાં વધારો થતા આકરાઃ ઉનાળાનો અનુભવ

રાજકોટ તા. ૮: રાજકોટ સહિત સૌરાષ્ટ્ર-કચ્છમાં સર્વત્ર મિશ્ર વાતાવરણનો માહોલ યથાવત છે આવા વાતાવરણ વચ્ચે આજે સવારે ખંભાળીયા-દ્વારકા રોડ ઉપર ઝાકળવર્ષા થઇ હતી.

છેલ્લા થોડા દિવસોથી સૂર્યનારાયણના દર્શન ન થાય ત્યાં સુધી સામાન્ય ઠંડકનો અનુભવ છે અને સૂર્યનારાયણના દર્શન થતા આકરા તાપના અહેસાસ થાય છે.

ખંભાળીયા

ખંભાળીયાઃ મોસમનું સૌથી ગાઢ અને ઝાકળ સાથેનું ભયંકર ધુમ્મસ આજે ખંભાળિયાની દ્વારકા સુધી છવાતા વાહન વ્યવહાર પણ થંભી ગયો હતો.

વહેલી સવારે પાંચેક વાગ્યાથી શરૂ થયેલું આ ધુમ્મસ એટલું પ્રબળ હતું કે છેક સવારના સાડા આઠ સુધી ચાલુ રહ્યું હતું તથા એક તબકકે તો તેની તીવ્રતા પાંચ ફૂટ પણ ના દેખાય તેવી થતાં વાહનો થંભી ગયા હતા તો લગ્નની સીઝનમાં જાન પણ મોડી થઇ હતી.

ઝાકળનો પ્રભાવ એટલો હતો કે વાહનમાં વરસાદની જેમ ટીપાં કાચ પર પડતા હતા તો વૃક્ષની નીચે વરસાદની જેમ ટીપા ટપકવાના ચાલુ થઇ ગયા હતા ભારે ઝાકળ અને ધુમ્મસની અનેક સ્થળે રસ્તાઓ ફંટાતા હોય ત્યાં લોકો રસ્તા ભૂલીને બીજા રસ્તે ચડી જાવના બનાવો પણ બન્યા હતા.

ભારે ઝાકળ સાથે આ અભૂતપૂર્વ ધુમ્મસ છેક સાડા આઠ વાગ્યા સુધી સૂર્ય ઉગ્યાને દોઢ કલાક પછી પણ ગાઢ ધુમ્મસ છવાયેલું રહ્યું હતું.

જૂનાગઢમાં સવારે ગુલાબી ઠંડી

જુનાગઢઃ જુનાગઢમાં આજે સવારે ગુલાબી ઠંડી રહી હતી.

આજે સવારે લઘુતમ તાપમાન વધુ બે ડિગ્રી ઘટીને ૧પ.૪ ડિગ્રી નોંધાયું હતું તેમજ વાતાવરણમાં ભેજનું પ્રમાણ ૮૦ ટકા રહેતા સવારે ગુલાબી ઠંડી અનુભવાઇ હતી.  જૂનાગઢનાં ગિરનાર પર્વત ખાતેનું તાપમાન ૧૦.૪ ડિગ્રી રહ્યાનું અનુમાન છે.

સવારે પવનની પ્રતિ કલાકની ઝડપ ૩.૭ કિ.મી.ની રહી હતી.

(3:59 pm IST)
  • દેશભરમાં ચકચારી બનેલ આરુષી હત્યા કેસમાં અલાહાબાદ હાઈકોર્ટ દ્વારા તલવાર દંપતીને છોડી મુકવાના આદેશ સામે CBIએ સુપ્રીમ કોર્ટમાં કરી અરજી access_time 9:25 am IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • સુપર સ્ટાર રજનીકાંત સાથે જોવા મળેલ કૂતરાને ખરીદવા માટે ૨ કરોડ જેટલી જંગી રકમ આપવા ચાહકો તૈયાર access_time 5:54 pm IST