Gujarati News

Gujarati News

News of Thursday, 8th March 2018

વેરાવળના આંબલીયાળામાં દલિત યુવકના મોત પ્રકરણમાં તટસ્થ તપાસની જનઅધિકાર મંચની માંગણી

વેરાવળ તા. ૮ : વેરાવળ તાલુકાના આંબલીયાળા ગામે ભરતભાઇ ઉકાભાઇ ગોહેલને જીવતો સળગાવી દેવાના મામલા માં જન અધિકાર મંચ એસ.પી ને આવેદન પત્ર આપી તટસ્થ તપાસ કરવાની માંગ કરેલ છે.

જન અધિકાર મંચના પ્રવિણભાઈ રામે એસ.પી.ને આવેદનપત્ર દલીતને સળગાવી દેવામાં તટસ્થ તપાસ કરવા અને આ ઘટના માં કોઈ નિદોર્ષ વ્યકતીની સંડોવણી ન થાય તે માટે માંગણી કરેલ હતી અને તેમને આ મૃત્યુ એક રહસ્ય છે તેવું આવેદનપત્ર માં જણાવેલ હતું આ આવેદન પત્ર માં અનેક લોકો જોડાયેલ હતા.

તપાસનિશ અધિકારી શ્રી વલવી એ જણાવેલ હતું કે પોલીસ દ્રારા ચોકકસ દીશામાં તપાસ થઈ રહેલ છે કોણ આરોપી છે તેની ઝીણવટ ભરી તપાસ કરવામાં આવે છે પુરાવવા મેળવવામાં આવે છે ત્યારબાદ આરોપી ઉપર ગુનો દાખલ કરવામાં આવે છે. આવેદનપત્ર ની જાણ અમને થયેલ છે પોલીસ તપાસ માં કોઈની શહેશરમ રાખવામાં આવતી નથી તેમ જણાવેલ હતું.

(11:40 am IST)
  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST