Gujarati News

Gujarati News

News of Thursday, 8th March 2018

રંધોળા પાસે ગોઝારા અકસ્માતમાં ઇજાગ્રસ્ત યુવતિનું મોતઃ મૃત્યુઆંક ૩૩

૮ વ્યકિતઓ ગંભીર હાલતમાં સારવારમાં

ભાવનગર, તા. ૮ :  ભાવનગર નજીક રંધોળા ખાતેનાં ગોઝારા અકસ્માતમાં ઇજાગ્રસ્ત યુવતીનું મોત નિપજતા મૃત્યુઆંક ૩૩ થયો છે. હજુ ૮ની સ્થિતિ ગંભીર હોવાનું જાણવા મળેલ છે.

 

ભાવનગર-રાજકોટ હાઇવે પર રંધોળા નજીક મંગળવાર સવારે ટ્રક પુલ નીચે ખાબકતાં ૩૧ જાનૈયાઓનાં કરૂણ મોત નિપજ્યા હતા અને ૩૦ થી વધુ ને ગંભીર ઇજા થઇ હતી. ગઇકાલે ઇજાગ્રસ્તનું મોત નિપજ્યા બાદ વધુ એક ઇજાગ્રસ્તું મોત નિપજ્યું છે. આ દુર્ઘટનાનો મૃત્યુ આંક વધી ૩૩ થયો છે. દિપીકાબેન રમેશભાઇ પરમાર (ઉ.વ.૧૯) રહે. પીપળીયા-સિહોરનું સારવાર દરમ્યાન ભાવનગરની સર ટી. હોસ્પિટલમાં મોત નિપજયું છે.

જયારે ઇજાગ્રસ્તો પૈકી ૮ જાનૈયાની સ્થિતિ ગંભીર હોવાનું જાણવા મળે છે. એક મહિલા મધુબેન મોહનભાઇ મકવાણા (ઉ.વ.૩૦) ને વધુ સારવાર માટે અમદાવાદ ખસેડવામાં આવ્યા હોવાનું જાણવા મળેલ છે. આ દુર્ઘટનામાં મૃત્યુઆંકમાં વધારો થઇ રહ્યો છે. (૯.ર)

(10:58 am IST)
  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST