Gujarati News

સાવરકુંડલા : હાલ રાજ્યમાં લગ્ન સીઝન ચાલી રહી છે ત્યારે એક સૌરાષ્ટ્રમાં જાન સાથે જબરદસ્ત એક્સિડન્ટ થયો છે. આજે પણ સૌરાષ્ટ્રના ઘણા ગામડામાં ટ્રેકટર દ્વારા જાન જતી જોવા મળે છે આવી જ એક જાન ઉપડી હતી ચીખલીથી આ જાનનું ટ્રેક્ટર સાવરકુંડલાના વિજપડી-ઘાડલા વચ્ચે પલટી મારી ગયું હતું. 

ચીખલીથી ઘાડલા ટ્રેકટરમાં જાન જતી વખતે સર્જાયેલા ભમ્મર ગામ નજીક સર્જાયેલા અકસ્માતમાં 8 જાનૈયાઓ ઇજાગ્રસ્ત થયા હતા. જ્યારે 45 વર્ષીય મહિલાનું ઘટના સ્થળે જ મોત થયું હતું. 108 વડે ઇજાગ્રસ્તોને સારવાર માટે રાજુલા ખસેડવામાં આવ્યા હતા.

આ અકસ્માતને કારણે લગ્નનો માહોલ બદલાઈ ગયો હતો અને મહિલાના મોતથી પરિવારમાં શોકનો માહોલ છવાઇ ગયો હતો. આમ, શુભ પ્રસંગ માતમમાં ફેરવાઈ જતા આખા પંથકમાં અરેરાટી ફેલાઈ ગઈ હતી.