Gujarati News

Gujarati News

News of Friday, 9th February 2018

સોમનાથમાં હમીરસિંહજી સર્કલથી ત્રિવેણી સુધીના રોડ ઉપર ધુળની ઉડતી ડમરીઓ : મહાશિવરાત્રી પહેલા સાફસફાઇ જરૂરી

પ્રભાસપાટણ તા. ૯ : ત્રિવેણી સંગમની સફાઇની કામગીરી અંતર્ગત આધુનિક મશીનો દ્વારા પાણીમાંથી કચરો અને માટી કાઢવામાં આવે છે અને ટ્રેકટરો મારફતે મંદિરની બાજુમાં આવેલ ચોપાટીમાં નાખવામાં આવે છે. પરંતુ આ ટ્રેકટરોમાં જે માટી અને કચરો ભરીને લઇ જવામાં આવે છે તે ટ્રેકટરોમાંથી રોડ ઉપર પડતો જાય છે.

એકાદ કિલોમીટરનાં રોડ ઉપર માટી અને કચરો પડવાને કારણે રોડની હાલત ખુબજ ખરાબ થયેલ છે અને આ માટી જામી જવાને કારણે વાહનો ચાલે ત્યારે ધૂળની ડમરીઓ ઉડે છે અને રોડ ઉપર ચાલીને જવુ કે વાહન ચલાવવા મુશ્કેલ બનેલ છે. તાજેતરમાં શિવરાત્રી આવી રહેલ છે જેથી સોમનાથ મહાદેવનાં દર્શને મોટીસંખ્યામાં શ્રધ્ધાળુઓ પધારવાનાં છે

સોમનાથ મંદિરનાં દર્શન બાદ યાત્રીકો ત્રિવેણી સંગમ, રામ મંદિર અને ગીતા મંદિરે જવા માટે આ ધૂળની ડમરીઓ વાળા રોડ ઉપરથી પસાર થવુ પડશે તો શિવરાત્રી પહેલા આ રોડ ઉપરની ગંદકી દૂર કરવી ખુબજ જરૂરી છે અને રોડને સાફ કરી અને પાણીથી ધોવો જરૂરી છે.

(11:41 am IST)
  • ભાજપ ' કેચ-૨૨' સ્થિતિમાં : પેટા ચુંટણીમાં રકાસ છતાં વસુંધરા રાજેનો કોઇ સબળ વિકલ્પ નથીઃ રાજસ્થાનમાં ભાજપ એવી મુંઝવણમાં છે કે વસુંધરા રાજેને હટાવી પણ શકે તેમ નથી અને સાથે પણ રાખી શકે તેમ નથી access_time 4:08 pm IST

  • હનીટ્રેપ : વધુ એક ભારતીય ઓફિસર પાકિસ્તાની જાળમાં ફસાયો : ભારતીય વાયુસેનાનાં ગ્રુપ કેપ્ટન અરુણ મારવાહ પર પાકિસ્તાની જાસૂસી એજન્સીને સીક્રેટ માહિતી અને દસ્તાવેજો આપ્યાં હોવાનો આરોપ લાગ્યો : સેક્સ ચેટના ચક્કરમાં અરુણ મારવાહે માહિતી લીક કરી હોવાનું અનુમાન : લલનાઓની લાલચમાં દેશને પણ વેંચી દેવા તૈયાર થઈ ગયો હતો ઓફિસર : સ્પેશિયલ સેલના ડીસીપી પ્રમોદ કુશવાહાએ, અરુણ મારવાહની ધરપકડની પુષ્ટિ કરી છે. access_time 1:02 pm IST

  • સુનાવણીના સીધા પ્રસારણ કરવા અરજી મામલે સુપ્રીમ કોર્ટે કેન્દ્ર સરકાર પાસે માંગ્યો જવાબ :બંધારણીય અને મહત્વના રાષ્ટ્રીય મામલાની સુનાવણીનું સીધું પ્રસારણ કરવાની અરજીમાં કેન્દ્રને પોતાનો પક્ષ જણાવવા સુપ્રીમ કોર્ટે કહ્યું access_time 1:11 am IST