Gujarati News

Gujarati News

News of Friday, 9th February 2018

વેરાવળ તાલુકા કોળી સમાજ આયોજીત સમૂહ લગ્નોત્સવમાં ૩૮ યુગલો લગ્નબંધને બંધાયા

પ્રભાસપાટણ, તા. ૯ : વેરાવળ તાલુકા સમસ્ત કોળી સમાજ પ્રભાસ પાટણ દ્વારા આયોજીત આઠમા સમૂહલગ્નનું ભવ્ય આયોજન કરવામાં આવેલ હતું. જેમાં ૩૮ નવદંપતિઓ પ્રભુતામાં પગલા પાડેલા આ તકે આ નવદંપતિને આશિર્વચન આપતા સાંસદ રાજેશભાઇ ચુડાસમાએ જણાવેલ કે રપ વર્ષ પહેલા આપણા વડવાઓએ સમૂહલગ્નની શરૂઆત કરેલ હતી અને કોળી સમાજમાં અત્યારે ઠેર ઠેકાણે સમૂહલગ્ન થઇ રહેલ છે તે ખૂબજ ખુશીની વાત છે તેમજ સમાજ સંગઠન પણ થયેલ છે અને વારંમવાર સંગઠનને કારણે નેતૃત્વ પરિવર્તન પણ કરેલા છે, પરંતુ સમાજમાં અત્યારે ખાસ શિક્ષણની જરૂરત છે અને સમાજમાં અગ્રણીઓ સાથે મળી અને આ દિશામાં ઘણુ કામ કરવાનું છે અને દિકરીને ભણાવવા ઉપર ખાસ ભાર મૂકેલ. જો દિકરી ભણેલ હશે તો એક સારી વહુ બનશે, માતા બનશે અને બે કુળને તારશે. આ વિશે તેઓએ અનેક ઉદાહરણો આપેલા હતાં. સાથે નવદંપતિઓને આશિર્વાદ પણ આપેલ હતા.

ધારાસભ્ય વિમલભાઇ ચુડાસમાએ પણ સમાજમાં કામો માટે ખાત્રી આપેલ અને નવદંપતિઓને આશિર્વાદ પાઠવેલ.

આ તકે પધારેલા મહાનુભાવોમાં સાંસદ રાજેશભાઇ ચુડાસમા, ધારાસભ્ય વિમલભાઇ ચુડાસમા, સોમનાથ ટ્રસ્ટના ટ્રસ્ટી પી.કે. લહેરી, ગ્રાસીમ અને ઇન્ડિયન રેયોનના વા. પ્રેસીડેન્ટ સુબોધ ગૌતમજી, આર.પી. તિવારી, શંકરકુમાર શર્મા, ભગવાનભાઇ સોલંકી, ખારવા સમાજના પટેલ લખમભાઇ ભેસલા, નગરપાલિકા પ્રમુખ જગદીશભાઇ ફોફંડી બોટ એસો.ના પ્રમુખ તુલસીભાઇ ગોહેલ, હિતષભાઇ ફોફંડી, પીયુષભાઇ ફોફંડી, રાજીબેન સોલંકી (મહીલા જીલ્લા પ્રમુખ), બબીબેન વાળા, કિશનભાઇ, કાનાભાઇ વાસાભાઇ ગઢીયા, મે.ટ્રસ્ટી કાનાભાઇ બામણીયા, કિશનભાઇ પરમાર, ભવાની સી. ફુડના ગોવિંદભાઇ વણીક, ધીરૂભાઇ સોલંકી સોમનાથ ટ્રસ્ટના મેનેજર વિજયસિંહ ચાવડા, પૂર્વ ધારાસભ્ય ભગવાનભાઇ કરગટીયા, નારણભાઇ મેર, વેરવાળ તાલુકા ભાજપ પ્રમુખ સરમણભાઇ સોલંકી, આહીર અગ્રણી જગમાલભાઇ વાળા, જયંતિભાઇ સોલંકી, બોટ એસો.ના પ્રમુખ લક્ષ્મીકાંત સોલંકી, તાલાલા કોળી સમાજ પ્રમુખ રાજાભાઇ ચારીયા, બરેન્દ્રસિંહ ગઢીયા, વિરજીભાઇ જેઠવા, દાનાભાઇ બારૈયા સહિતના આગેવાનો તેમજ કોળી સમાજના સભ્યો, તા.પં.ના સભ્યો સહિત મોટી સંખ્યામાં આગેવાનો હાજર રહ્યા હતાં.

(11:34 am IST)
  • માલદીવના રાજકીય સંકટમાં બે ભારતીય પત્રકારોની ધરપકડ કરવામાં આવી છે. આ બંને પત્રકારો જાણીતી ન્યૂઝ એજન્સી AFPમાં કામ કરતા હતા. મળતા અહેવાલ મુજબ અમૃતસરના મણી શર્મા અને લંડનમાં રહેતા ભારતીય મૂળના પત્રકાર આતિશ રવજી પટેલની માલદીવના રાષ્ટ્રીય સુરક્ષા કાયદા અંતર્ગત ધરપકડ કરવામાં આવી છે. access_time 9:43 pm IST

  • સૂચિતમાં ૩૧ માર્ચની ડેડલાઇન પ૦૦ કેસોનો નિકાલ : ૬૦૦ કેસમાં ૧લીએ સુનાવણી : ચાલી રહેલો સર્વે : આગામી ૩૧ માર્ચ સુચિત સોસાયટી અંગે ડેડલાઇન : તમામ ડે. કલેકટર તથા મામલતદારોને એડીશ્નલ કલેકટર હર્ષદ વોરાનો આદેશ : પ૦૦ કેસમાં વાંધાઓ -વિવાદ-કલેઇમ ફાઇનલ કરી લેવાયા : ૬૦૦ કેસની હવે સુનાવણી થશે : હાલ ૩૦ કર્મચારીઓ દ્વારા ચાલતો સર્વે access_time 4:06 pm IST

  • સુરતમાં મુસ્લિમ મહિલાઓની રેલી નીકળીઃ બિલ રદ કરવા માંગણી : નવા ત્રિપલ તલાકના બિલના વિરોધમાં નવસારી પછીઃ જમિયતે ઉલમાએ હિન્દના નેજા હેઠળ મહિલાઓની રેલી access_time 4:08 pm IST