Gujarati News

(કૃષ્ણકાંત ચોટાઇ દ્વારા) ઉપલેટા તા. ૯: ગઇકાલે ઉપલેટાના પો. કો. ભાવેશ બોરીચા દિનેશ ગોંડલીયા અને ગગુભાઇ ચારણ પેટ્રોલિંગમાં હતા એ દરમ્યાન-ડુમીયાણીની સીમમાં  દારૂ ઉતરતો હોવાની બાતમી મળતા પોલીસ ડુમીયાણી ગામે આવેલ શ્રી રામ પોલિમર્સ પાછળ-અવાવરૂ જગ્યામાં ટાટા ૪૦૭ માંથી ઇંગ્લીશ દારૂ ઝાડીમાં સંતાડતો હોવાની જણાતા પોલીસ ત્યાં છાપો મારી ઇંગ્લીશ દારૂ પકડી પાડેલ હતો. આ અંગેની વિગત એવા પ્રકારની છે કે ગઇકાલે મુળ જુનાગઢ તાલુકાના બલીપુર ગામનો અને હાલ ડુમીયાણી ગામે તા. ઉપલેટામાં રહેતા રબારી શખ્સ અતુલ હમીર ભારાઇ ટાટા ૪૦૭ નં. જીજે ૬ બીટી ૬૪૭૮ માં જુદી જુદી બ્રાન્ડની ઇંગ્લીશ દારૂની બોટલ ભરીને ડુમીયાણીની સીમમાં અવાવરૂ જગ્યામાં કાંટા વચ્ચે આ દારૂ સંતાડતો હતો ત્યાં પોલિસ પહોંચી જતા મેકડોવેલ્સ બોટલ ૩૭૩ર/- કિ. ૧૩,૯૯,પ૦૦ રોયલ ચેલેન્જ બોટલ ૯ર૪ કિ. ૪.૮૦,૪૮૦ અને બુલ્સ આઇ કલાસીસ બોટલ ૯૭ર કિંમત ર,૯૧,૬૦૦ મળીને કુલ રૂ. ર૧,૭૧,પ૮૦નો ઇંગ્લીશ દારૂ બોટલ પ૬ર૮ નો તથા રૂ. ૭ લાખનો ટાટા ૪૦૭ મળીને કુલ રૂ. ર૮,૭૧,પ૮૦ નો મુદામાલ પકડી પાડેલ હતો.

આ દારૂ પકડવાની કામગીરીમાં પી.આઇ. એમ. એન. રાણા, ભાવેશ બોરીચા, મહેન્દ્રભાઇ ઘોઘળ, વિશાલ હુણ, દિનેશભાઇ ગોંડલીયા, યાસીનભાઇ બુખારી, મહેશ મારીખડા વાસુદેવસિંહ જાડેજા વગેરે જોડાયા હતા.