Gujarati News

Gujarati News

News of Saturday, 8th June 2019

ગોંડલના વાછરા ગામના સરપંચ વિરૂધ્ધ અવિશ્વાસની દરખાસ્ત પસાર

ગંગાબેન સોલંકી સામે ૭ સભ્યોનું મતદાન : સરપંચનો તબિયત નાદુરસ્ત હોવાનો રીપોર્ટ મોકલ્યો

ગોંડલ તા ૮  : તાલુકાના વાછરા ગામના સરપંચ વિરૂધ્ધ છેલ્લા ઘણા સમયથી ચુંટાયેલા સભ્યો સાથે સુમેળ ન કરી શકતા અવિશ્વાસની દરખાસ્ત સુધી વાત પહોંચી જવા પામી હતી, જેમને લઇને ઉપસરપંચ સહીત સાત સભ્યોએ સરપંચ દ્વારા મીટીંગ ન બોલાવતા તાલુકા વિકાસ અધિકારીને એજન્ડા નોટીસ નંબર થી નકકી થયા મુજબ અવિશ્વાસ પ્રસ્તાવ બાબતે નિર્ણય કરવા જણાવ્યું હતું.

વાછરા ગ્રામ પંચાયત કચેરી ખાતે તા ૭ ને શુક્રવારે સવારે ૧૧ કલાકે મીટીંગ બોલાવવા એજન્ડા બહાર પાડીને તમામને નોટીસ દ્વારા જાણ કરવામાં આવેલ હતી. પંચાયત અધિનીયમ કલમ ૫૬ની જોગવાઇ મુજબ અવિશ્વાસ પ્રસ્તાવ પસાર કરવા માટે ર/૩ બહુમતી જરૂરી હોય, જે સરંપચ ગંગાબેન મુળજીભાઇ સોલંકી પાસે ન હોવાથી તેમને તલાટી મંત્રીને પોતાની ના દુરસ્ત તબિયત હોવાને કારણે મીટીંગમાં આવી શકશે નહીં તેવો રીપોર્ટ મોકલેલ હતો, મીટીંગમાં બહુમતીથી પણ વધુ સંખ્યામાં હાજર હોઇ  ઉપસરપંચના અધ્યક્ષ સ્થાને અધિકારી અને ઇ.ચા. વિસ્તરણ અધિકારી પંચાયતની હાજરીમાં વાંધા વચકા વંચાણે લઇને સરપંચ વિરૂધ્ધ સાત મત પડતા બહુમતીથી અવિશ્વાસ પ્રસ્તાવ પસાર થયો હતો. સરપંચ વિરૂધ્ધમાં મુકેશ ખુંટ, ધીરૂ વસાણી, શૈલષ ખુંટ, ભરત સાકરીયા, હંસાબેન સોલંકી, પિન્ટુ રૈયાણી, સોનલબેન ચોથાણી, એ મતદાન કરેલ હતું, જયારે સરપંચની તરફેણમાં બેબીબેન ભુંડીયા એ મતદાન કરેલ, આમ રજુ થયેલ અવિશ્વાસ પ્રસ્તાવમાં ૦૭ વિરૂધ્ધ ૦૧ મતથી ર/૩ બહુમતીથી પસાર કરવાનું ઠરાવવામાં આવ્યું હતું.

(11:32 am IST)
  • ગોવાનું એરપોર્ટ બંધ કરી દેવાયું મીગ-૨૯ ફાઈટર વિમાનમાંથી બળતણ લીક થતાં અને સળગતા ગોવાનું એરપોર્ટ કામચલાઉ બંધ કરવામાં આવેલ access_time 5:47 pm IST

  • આઈએસઆઈનું હવે પછીનું નિશાન જમ્મુ હોવાનો ધડાકો : ૬ સભ્યો વિડીયોગ્રાફી કરતાં ઝડપાયા પાકિસ્તાનની જાસૂસી સંસ્થા આઈએસઆઈનું હવે પછીનું નિશાન જમ્મુ વિભાગમાં આવેલ લશ્કરી અને મહત્વના સ્થળો હોવાનો મોટો ધડાકો થયો છે : પોલીસ દ્વારા નેસ્ત નાબુદ કરવામાં આવેલ ૬ સભ્યોના જાસૂસી મોડ્યુલની પૂછપરછ દરમિયાન આ વાત બહાર આવી છે : તાજેતરમાં પકડાયેલા ૪ પાકિસ્તાની જાસૂસોની પૂછપરછ ચાલુ છે : જમ્મુ બહાર આવેલ રતનુચક વિસ્તાર આસપાસના લશ્કરી મથકની વિડીયોગ્રાફી કરતાં પકડાઈ ગયેલ મુસ્તાક અહેમદ મલિક અને નદીમ અખ્તરની પૂછપરછના આધારે એજન્સીઓએ સદ્દામ હુસૈન, સફદર અલી, મોહમ્મદ સલીમ અને અબ્દુલ કરીમને ઝડપી લીધા છે : આ લોકો ઉધમપુર અને રોડા પંથકમાં હિઝબુલ મુઝાહીદ્દીનનું નેટવર્ક ઉભુ કરી રહ્યા હતા access_time 5:48 pm IST

  • બ્રેઈન ટ્યુમર માટે નવી સારવાર પદ્ધતિ જાહેર થઈ અમેરિકા અને ભારતમાં બ્રેઈન ટ્યુમરની સારવાર માટે બેંગાલુરૂ સ્થિત 'એસબીએફ હેલ્થ કેર એન્ડ રીસર્ચ સેન્ટર' આજે ખાસ - નોન ઈન્વેઝીવ સીકવેન્સીયલ મેગ્નેટીક ફિલ્ડ થેરપીની જાહેરાત કરી છે access_time 5:43 pm IST