Gujarati News

Gujarati News

News of Friday, 8th June 2018

ટાટા કેમિકલ્સે મીઠાપુરમાં 'જોબ ફેર ૨૦૧૮' આયોજન કર્યું: ૧૨૦૦ ઉમેદવારો સહભાગી થયાં

મીઠાપુર, તા.૮: ધ ટાટા કેમિકલ્સ સોસાયટી ફોર રૂરલ ડેવલપમેન્ટ (TCSRD)એ ટેકનિકલ અને નોન-ટેકનિકલ અરજદારો માટે મીઠાપુરમાં 'જોબ ફેર ૨૦૧૮' આયોજન કર્યુ હતું. જેમાં ઓખામંડળ અને કલ્યાણપુર તાલુકામાંથી ૧૨૦૦થી વધારે રોજગાર ઇચ્છતાં યુવાન ઉમેદવારો સહભાગી થયાં હતાં.

આ ફેરમાં સુઝુકી મોટર્સ ગુજરાત પ્રાઇવેટ લિમિટેડ, વટવા ઇન્ડસ્ટ્રિયલ એસોસિએશન, રિલાયન્સ રિટેલ, એલએન્ડટી કન્સ્ટ્રકશન સ્કિલ્સ ટ્રેનિંગ સહિત અગ્રણી કોર્પોરેટનાં પ્રતિનિધિઓએ ઉમેદવારોનાં ઇન્ટરવ્યૂ લીધા હતાં. તેમાં વિવિધ પોઝિશન પર ૩૦૦થી વધારે ઉમેદવારોની પસંદગી થઈ હતી. રિક્રૂટમેન્ટ એજન્સીઓ અને કંપનીઓ ભવિષ્યમાં તેમની જરૂરિયાત મુજબ બાકીનાં ઉમેદવારોનો સંપર્ક કરશે એવી ખાતરી આપી હતી.

ટાટા કેમિકલ્સ, મીઠાપુરનાં ઉત્પાદનનાં વાઇસ પ્રેસિડન્ટ બી બી કથપાલિયાએ કહ્યું હતું કે, 'ટાટા કેમિકલ્સ એકીકૃત, સર્વસમાવેશક અને સંકલિત સમાજની રચનામાં માને છે, જેમાં તમામ વ્યકિતઓને વ્યકિતગત વિકાસ અને સર્વસમાવેશક આર્થિક વિકાસ માટેની તકો ઉપલબ્ધ થાય છે. આ વિસ્તારનાં યુવાનો લાયકાત ધરાવે છે, પણ તેમની લાયકાત અને તાલીમ મુજબ રોજગારી આપતી કંપનીઓ સુધી તેઓ પહોંચ ધરાવતાં નથી. આ પ્રકારની પહેલો મારફતે ટાટા કેમિકલ્સ સોસાયટી ફોર રુરલ ડેવલપમેન્ટ આ યુવાનોને અગ્રણી કોર્પોરેટમાં ઉપલબ્ધ સંભવિત રોજગારીઓનો લાભ લેવાની તક પૂરી પાડે છે અને ઉજ્જવળ ભવિષ્ય માટે તેમની કારકિર્દીને પાંખો આપે છે.'

(11:21 am IST)
  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST

  • રાહુલ ગાંધી અને તેજસ્વી યાદવ વચ્ચે દિલ્હીમાં મુલાકાત :બંને નેતાઓ વચ્ચે 40 મિનિટ સુધી ચર્ચા : બંનેની મિટિંગમાં બિહારમાં મહાગઠબંધન વધુ મજબૂત કરવા અને 2019ની લોકસભા ચૂંટણીમાં જબર લડત આપવા વિચારણા access_time 1:20 am IST

  • કર્ણાટકનો દરિયાકાંઠો અને કેરળમાં ભારે વરસાદની આગાહી છે. આગામી ૩૦ કલાકમાં ગોવા અને કર્ણાટકમાં ભારે વરસાદની આગાહીના પગલે નજીકના શહેરોમાં એલર્ટ જારી કરવામાં આવ્યા છે access_time 4:03 pm IST