Gujarati News

Gujarati News

News of Friday, 8th June 2018

દેરડી (કુંભાજી)ને તાલુકો બનાવો

ગોંડલ, તા. ૮ :. દેરડી(કુંભાજી) ગામ ગોંડલથી ખૂબ દૂર ૩૫ કિ.મી.ના અંતરે આવેલ છે. ગામની વસ્તી આશરે ૧૨,૦૦૦ ઉપરની છે. તેમજ દેરડી (કુંભાજી) ગામમાં તમામ વસ્તુઓ મળતી હોવાથી આજુબાજુના ૨૫ ગામના લોકોની ખરીદી થાય છે. તેમજ વાસાવડ અને સુલતાનપુર પણ ૧૨,૦૦૦ની આસપાસ વસ્તી ધરાવતા ગામ છે તે ગામો પણ ગોંડલથી દૂર ૩૫ કિ.મી.ના અંતરે આવેલ છે અને દેરડી (કુંભાજી)થી આ બન્ને ગામો તદ્દન નજીક ૧૨ કિ.મી. આવેલા છે. તેમજ અન્ય ગામો રાણસીકી, ધરાળા, રાવણા, પાટખિલોરી, મોટીખિલોરી, વાવડી, બાંભણીયા, બાદલપુર, સનાળા, સનાળી જે ગામો દેરડી(કુંભાજી)થી ૩ થી ૫ કિ.મી.ના અંતરે આવેલા છે.

તેમજ સાજડીયાળી, નાના સખપર, મોટા સખપર, વિંઝીવડ, કેશવાળા, મેતા ખંભાળીયા, બિલડી, ઉજળા, અનિડા, લાખાપાદર, ઈશ્વરીયા આ ગામો દેરડી (કુંભાજી)થી ૮ થી ૧૦ કિ.મી.ના અંતરે આવેલા છે. તેમજ બીજા અન્ય ગામો પણ દેરડી (કુંભાજી)થી નજીક થાય છે. આ ગામોને કંઈ પણ ખરીદી માટે દેરડી (કુંભાજી) આવવું પડે છે અને આ બધા ગામો વસ્તી કુલ મળીને ૭૦,૦૦૦ આસપાસ થાય છે. તેમજ દેરડી (કુંભાજી) ગામ કેન્દ્રમાં આવેલ હોવાથી દેરડી(કુંભાજી)ને તાલુકા કક્ષાનો દરજ્જો આપવો જરૂરી છે.

આ અંગે ગોંડલ તાલુકા પંચાયતના સભ્ય શ્રૃતિબેન મોણપરાએ એક અખબારી નિવેદનમાં માંગણી ઉઠાવી છે.

(11:20 am IST)
  • જાપાન દ્વારા લોકનનો પ્રથમ હપ્તો આપવા તૈયારી: બુલેટ ટ્રેન પ્રોજેક્ટ આગળ વધે છેઃ આવતા મહિને મળશે ૧૮૦૦ કરોડઃ ટેન્ડર પ્રક્રિયા શરૂ access_time 10:30 am IST

  • ડોનાલ્ડ ટ્રમ્પએ કહ્યું કિમ જોંગ ઉન સાથેની બેઠક માત્ર તસવીરો ખેંચાવવા માટે નથી પરંતુ તેનાથી વિશેષ છે :આ ઐતિહાસિક બેઠક માટે પર્યટક રિસોર્ટ દ્વીપ સેન્ટોસાને સ્થળ તરીકે પસંદગી કરાઈ છે ;એવું મનાય છે કે આ બેઠકના કવરેજ માટે વિશ્વભરના 2500 પત્રકારો આવશે access_time 1:17 am IST

  • આગ્રા હાઇવે ઉપર ટ્રક અને મીની બસ વચ્ચે ગમખ્વાર અકસ્માત : ૧૦ના મોતઃ ૧૨ને ગંભીર ઇજા access_time 4:05 pm IST