Gujarati News

Gujarati News

News of Thursday, 8th April 2021

ભાવનગરમાં દેરાણી જેઠાણીએ એક સાથે ઝેરી દવા ગટગટાવી

મહિલાઓને તાત્કાલીક હોસ્પિટલમાં ખસેડવામાં આવી : મહિલાઓ ઘરે એકલી હતી ત્યારે ૮-૧૦ લોકો હથિયારો સાથે આવી ધમકી આપી હતી, બીકના કારણે ઝેરી દવા પીધી

ભાવનગર,તા.૮ : પાલીતાણામાં એક જ પરિવારની બે મહિલાઓએ ઝેરી દવા ગટગટાવીને આપઘાતનો પ્રયાસ કર્યો હોવાની ઘટના સામે આવી છે. જો કે, મહિલાઓને સારવાર અર્થે તાત્કાલીક ભાવનગર હોસ્પિટલમાં ખસેડવામાં આવી છે. ત્યારે આ મામલે પોલીસને જાણ કરાતા પોલીસે મહિલાઓની પૂછપરછ સહિતની વધુ કાર્યવાહી હાથ ધરી છે. મળતી માહિતી મુજબ, પાલિતાણાના એક જ પરિવારની દેરાણી જેઠાણીએ આપઘાતનો પ્રયાસ કર્યો હતો. ચેતનાબેન કોટિલા અને સેજલબેન કોટિલાએ ઝેરી દવા પીને આત્મહત્યાનો પ્રયાસ કર્યો હતો.

        થોડા દિવસ પહેલા પેટ્રોલ છાંટી યુવાનને જીવતો સળગાવવાના મામલે ૨૦૦૯ માં ઉછીના આપેલા પૈસા પરત માંગતા યુવાને જાતે પેટ્રોલ છાંટી આત્મહત્યા કરી હોવાનો પરિવારે આક્ષેપ કર્યો છે. મૃતક યુવાનના પરિવારના લોકો વારંવાર ઘરે આવી ગાળો બોલી ધમકી આપી રહ્યા છે. આજે સવારે મહિલાઓ ઘરે એકલી હતી ત્યારે ૮-૧૦ લોકો હથિયારો સાથે આવી ધમકી આપી હતી. જો કે, ધમકી આપતા બીકના કારણે દેરાણી જેઠાણીએ ઝેરી દવા પી લેતા બંનેને સારવાર અર્થે ભાવનગર હોસ્પિટલમાં ખસેડવામાં આવી છે. જોકે આ મામલે જાણ કરાતા પોલીસ ઘટના સ્થળે પહોંચી ગઈ હતી અને વધુ તપાસ હાથ ધરી છે.

(9:10 pm IST)
  • રાજકોટ જિલ્લામાં કોરોના મહામારીની પરિસ્થિતિ અતિભયજનક બની : આજે સાંજ સુધીમાં રાજકોટ શહેરમાં 427 અને ગ્રામ્યના 93 કેસ સાથે કુલ અધધધ 520 નવા કોરોના ના કેસ નોંધાયા : લોકો ધ્રુજી ઉઠ્યા access_time 7:36 pm IST

  • ગુજરાતના ગૃહ વિભાગના અધિક મુખ્ય સચિવ IAS પંકજકુમાર કોરોના સંક્રમિત થયા : યુએન મહેતા હોસ્પિટલમાં કરાયા દાખલ : અધિકારીઓમાં ફેલાયો ફફડાટ access_time 1:22 pm IST

  • નક્સલીઓ સાથે ભયંકર અથડામણ દરમિયાન નક્સલીઓ એક જવાનને બાન પકડીને લઈ ગયા હતા. તેની લોકો સમક્ષ જે બેઇજ્જતી કરવામાં આવી, તે વિડિઓ કલીપ એબીપી ન્યુઝના એડિટર પંકજ ઝાએ પોતાના ટ્વિટર એકાઉન્ટ ઉપર શેર કરી છે. આવા નકસળીઓ માટે કોઈ શબ્દો વાપરવા એ પણ ઉચિત નથી લાગતું access_time 11:46 pm IST