Gujarati News

Gujarati News

News of Thursday, 8th April 2021

જામનગરના પડાણા પાટીયા પાસે બે ટ્રક વચ્ચે અકસ્માતમાં ડ્રાઇવરનું મોત : ૧ને ઇજા

ક્રેઇનની મદદથી મૃતક અને ઇજાગ્રસ્તને બહાર કાઢવા પડયા

જામનગર : તસ્વીરમાં અકસ્માતગ્રસ્ત વાહનો તથા મૃતક અને ઇજાગ્રસ્ત નજરે પડે છે. (તસ્વીર : કિંજલ કારસરીયા, જામનગર)

(મુકુંદ બદિયાણી દ્વારા) જામનગર તા. ૮ : જામનગરના ખંભાળિયા હાઇવે પર પડાણા પાટીયા પાસે મુરલીધર હોટેલ નજીક રાત્રે બે ટ્રક વચ્ચે ગમખ્વાર અકસ્માત સર્જાયો હતો. જેમાંથી ડ્રાઈવરનું ઘટનાસ્થળ વ જ મોત નીપજયું હતુ અને એની સાથેના એક વ્યકિત ને ઇજા થવાથી બન્ને ને સારવાર માટે જામનગરની જીજી હોસ્પિટલ ખાતે લાવવામાં આવ્યા હતા.  આ અકસ્માતમાં ૫૦ વર્ષના અજાણ્યા વ્યકિત ઉપરાંત તેની સાથેના ઝારખંડના ૨૭ વર્ષીય યુવાન રીસાલત ખલિફાને સિક્કાની ૧૦૮ દ્વારા તાત્કાલિક ઘટના સ્થળ પર થી હોસ્પિટલમાં ખસેડવામાં આવ્યા હતા. ગંભીર અકસ્માત થતા ટ્રકમાં ફસાયેલા બન્નેને ક્રેનની મદદથી બહાર કાઢવામાં આવ્યા હતા.

(1:02 pm IST)