Gujarati News

Gujarati News

News of Thursday, 8th April 2021

ભાયાવદરમાં કોરોના સંક્રમણ રોકેટ ગતિમાં: માસ્ક સહિતના નિયમ ભંગ સામે આકરી કાર્યવાહી

(રમેશ સાંગાણી દ્વારા) ભાયાવદર તા. ૮ :.. ભાયાવદરમાં કોરોના સંક્રમણ રોકેટ ગતિએ વધી રહયું છે. ત્યારે પોલીસે સરકારની ગાઇડ લાઇન મુજબ માસ્ક વિહોણા લોકોને દંડ ફટકારવાના બદલે માસ્ક અને કોરોના વિશે જાણ કરી કોરોના સામે જનજાગૃતિ માટે અપીલ કરી હતી હવે આવતી કાલથી દંડનીય કાર્યવાહી હાથ ધરવા તાકીદ કરવામાં આવી હતી.

ભાયાવદરમાં તાપમાન પણ ૪૦ ડીગ્રીને આંબી ગયું છે છતાં કોરોના વિસ્ફોટ સર્જાયો છે. એકમાત્ર માસ્કની અણગણના માનવીને મોત તરફ લઇ જાય છે. સોશિયલ ડીસ્ટન્સ અને માસ્ક પહેરવા શહેરીજનોને નગરપાલીકા દ્વારા માઇક ફેરવીને જોરશોરથી જાહેરાત કરવામાં આવી રહી છે.

ભાયાવદરના પીએસઆઇ ગોજીયા તથા જમાદાર પંકજસિંહ સ્ટાફ સાથે પેટ્રોલીંગ કર્યુ હતંુ માસ્ક વિહોણા લોકોને માસ્ક આપી સુચના આપી હતી. સરકારના ગૃહ વિભાગ દ્વારા સોશિયલ ડીસ્ટન્સ જાણવતા કે માસ્ક ન પહેરતા લોકો સામે પગલા ભરવા આદેશ કરાયો છે તેની જાણ જનતાને માઇક ફેરવીને કરવામાં આવી છે આગામી દિવસોમાં ગાઇડ લાઇનનો ભંગ કરનાર સામે આકરા દંડનીય પગલા લેવાશે. વાહન ડિટેઇન કરવા સહિતની કાનૂની કાર્યવાહી પણ કરવામાં આવશે. પોલીસે શાનમાં સમજાવ્યા હતાં.

(11:42 am IST)
  • દેશમાં કોરોનાના કેસમાં ભયંકર ઉછાળો : અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 .74 લાખને પાર પહોંચ્યો :વધુ 802 દર્દીઓના મોત: રાત્રે 11 વાગ્યા સુધીમાં કોરોનાના નવા 1,31,787 કેસ નોંધાયા :કુલ કેસની સંખ્યા 1,30,57,863 :એક્ટિવ કેસ 9,74,174 થયા વધુ 61,797 દર્દીઓ સ્વસ્થ થતા કુલ 1,19,10, 709 થયા :વધુ 802 લોકોના મોત સાથે કુલ મૃત્યુઆંક 1,67,694 થયા: દેશમાં સૌથી વધુ મહારાષ્ટ્રમાં નવા 56,286 નવા કેસ નોંધાયા access_time 12:58 am IST

  • અમદાવાદમાં વધુ એક એસિડ એટેકની ઘટના : શારદાબેન હોસ્પિટલમાં લેબ ટેક્નિશયન પર એસિડ એટેક : શહેરકોટડા વિસ્તારમાં રહેતા એક શખ્શે બ્લડ ડોનેટ કરવા બાબતે તકરાર કરી હોસ્પિટલના લેબ ટેક્નિશિયન એસિડ એટેક કર્યો : હુમલો કરનાર વ્યક્તિ પ્રકાશ સોલંકી અનેક વખત બ્લડ ડોનેટ કરવા આવતો હતો ; સમગ્ર ઘટના સીસીટીવીમાં કેદ access_time 12:44 am IST

  • કોરોના સંક્રમણની રાજકોટ શહેર - જિલ્લામાં અતિભયજનક સ્થિતિ થતી જાય છે : ગઈકાલે સવારે 8 થી આજે સવારે 8 વાગ્યા સુધીમાં 31 લોકોના સરકારી ચોપડે દુઃખદ મૃત્યુ નોંધાયા : લોકો ફફળી ઉઠ્યા : આજ સવાર સુધીમાં સરકારી અને ખાનગી હોસ્પિટલોમાં 267 બેડ ઉપલબ્ધ access_time 10:10 am IST