Gujarati News

Gujarati News

News of Thursday, 8th April 2021

કૃષિ અને ગ્રામિણ વિકાસ સહકારી બેંક સાવરકુંડલાની ચુંટણીમાં તાલુકા કોંગ્રેસ પ્રમુખ ડાવરાને હરાવી પુર્વ તાલુકા પંચાયત પ્રમુખ સાવલીયા બિનહરીફ

સાવરકુંડલા,તા.૮ : સાવરકુંડલા તાલુકા કૃષિ અને ગ્રામીણ વિકાસ સહકારી બેંક (ખેતીબેંક)ની સામાન્યસભા  દિપકભાઇ માલાણીના અઘ્યક્ષસ્થાને મળેલ. જેમાં તાલુકા સમિતીના ડીરેકટરો તરીક  દિપકભાઇ માલાણી, રાઘવભાઇ સાવલીયા, બાબુભાઇ પાટીદાર, અને બાબુભાઇ માલાણીને બિનહરીફ ચુંટાયેલા જાહેર કરેલ. ચાર ડીરેકટરો માટે કુલ ૮ ઉમેદવારી ફોર્મ ભરાયેલ. જિલ્લામાં સહકારી ક્ષેત્રે પક્ષાપક્ષીની ખેંચતાણ અટકાવવા અને ખેડુત  પ્રતિનિધી બિનહરીફ થાય તેવા ઉદેશથી જિલ્લા કક્ષાએથી સર્વસંમતી મુજબ ચાર ઉમેદવારોએ પોતાના ઉમેદવારીપત્રો પાછા ખેચી લીઘેલ.

જેમાં સાવરકુંડલા તાલુકા કોંગ્રેસ સમિતિના વર્તમાંન પ્રમુખ મનુભાઇ ડાવરા એ પણ પોતાનુ ઉમેદવારી પત્ર પરત ખેંચી પાછુ હટવુ પડેલ. તેના બદલે તાલુકા પંચાયતના પુર્વ  પ્રમુખ અને ખેડુત અગ્રણી રાઘવભાઇ સાવલીયા પીઠવડીવાળા બિનહરીફ થયા છે. જેનાં કારણે સ્થાનીક કોંગ્રેસમાં ઘણાં વમળો- તર્કવિતર્કો થઇ રહયા છે. રાઘવભાઇ સાવલીયા સામે વર્તમાંનતા કાંેગ્રેસ સમિતીના  પ્રમુખે પીછેહઠ કરવી પડી તેની પાછળ રાજકારણની આજકાલ અને રમતો ચાલી હોવાનું સંભળાય છે. જેના કારણે મનુભાઇ ડાવરા ભારે નારાજગી અને અકળામણ અનુભવે છે.

સામાન્યસભા એ બિનહરીફ ચુંટાયેલા જાહેર કર્યા બાદ ડીરેકટરો દિપકભાઇ માલાણી, રાઘવભાઇ સાવલીયા, બાબુભાઇ પાટીદાર, અને બાબુભાઇ માલાણીને ઉપસ્થિત એ.પી.એમ.સી.ના વા.ચેરમેન મનજીભાઇ તળાવીયા, તાલુકા સંઘના ડીરેકટરઅને ખેડુત આગેવાન ભનુભાઇ રાદડીયા, યાર્ડના ડીરેકટર દેવાતભાઇ બલદાણીયા, ઘીરૂભાઇ વોરા, સંઘના ડીરેકટર મનસુખભાઇ દેસાઇ સહીત વિવિઘ મહાનુભાવોએ અભિનંદન પાઠવેલ છે.

(11:37 am IST)
  • નક્સલીઓ સાથે ભયંકર અથડામણ દરમિયાન નક્સલીઓ એક જવાનને બાન પકડીને લઈ ગયા હતા. તેની લોકો સમક્ષ જે બેઇજ્જતી કરવામાં આવી, તે વિડિઓ કલીપ એબીપી ન્યુઝના એડિટર પંકજ ઝાએ પોતાના ટ્વિટર એકાઉન્ટ ઉપર શેર કરી છે. આવા નકસળીઓ માટે કોઈ શબ્દો વાપરવા એ પણ ઉચિત નથી લાગતું access_time 11:46 pm IST

  • અપરાધીઓને પાતાળમાંથી પણ ગોતી કાઢશું : જેલભેગા કરી દઈશું : મુખ્તાર અંસારીને યુ.પી.ની જેલમાં ધકેલ્યા પછી મુખ્યમંત્રી યોગી આદિત્યનાથનું બંગાળમાં નિવેદન access_time 11:37 am IST

  • મધ્યપ્રદેશના તમામ શહેરોમાં રાત્રી કર્ફ્યુ : દર રવિવારે લોકડાઉન : છીંદવાડા જિલ્લામાં સાત દિવસ સુધી સંપૂર્ણ લોકડાઉન લાગુ : શાજાપુરમાં રાત્રે 8 વાગતાથી બે દિવસ માટે સંપૂર્ણ લોકડાઉન લાગુ : તમામ સરકારી ઓફિસો મહિના સુધી સપ્તાહમાં પાંચ દિવસ ખુલશે. મુખ્યમંત્રી શિવરાજ સિંહ ચૌહાણની અધ્યક્ષતામાં યોજાયેલી બેઠકમાં લેવાયો નિર્ણંય access_time 12:39 am IST