Gujarati News

Gujarati News

News of Thursday, 8th April 2021

ટંકારા તાલુકા પંચાયત આયોજન સમિતિ દ્વારા રૂપિયા ૧.૧૭ કરોડના વિકાસ કામો મંજુર : લતીપર ચોકડીએ ઓવરબ્રિજ નીચે પાંચ લાખના ખર્ચે સૌચાલય બનાવશે

ટંકારા,તા.૮: ટંકારા તાલુકા પંચાયત આયોજન સમિતિ દ્વારા રૂપિયા ૧.૧૭ કરોડના વિકાસ કામો મંજૂર કરાયેલ છે. લતીપર ચોકડીએ ઓવર બ્રિજ નીચે પાંચ લાખના ખર્ચે સૌચાલય બનાવાશે.

ટંકારા તાલુકા પંચાયતના પ્રમુખ શ્રીમતી પુષ્પાબેન પ્રભુલાલ કામરીયાના અધ્યક્ષ સ્થાને આયોજન ની મીટીંગ યોજાયેલ. તેમાં તાલુકા વિકાસ અધિકારી એન. એમ. તરખાલા ,સામાજિક ન્યાય સમિતિના ચેરમેન શ્રીમતી ગીતાબેન શકિતવદનભાઈ ભોરણીયા, જીલ્લા પંચાયતના સદસ્ય શ્રીમતી ચંદ્રિકાબેન નથુભાઈ કડીવાર, શ્રીમતી કમળાબેન અશોકભાઈ ચાવડા, ભુપેન્દ્રભાઈ દામજીભાઈ ગોધાણી તથા બાંધકામ શાખાના અધિક ઇજનેરશ્રી ડી. ડી. બેલાડીયા ઉપસ્થિત રહેલ.

વર્ષ ૨૦૨૧ -૨૨નામાટે૧૫%(સામાન્ય) જોગવાઈના કામો માટે રૂપિયા ૯૭.૪૫ લાખ તથા ૧૫% વિવેકાધીન (અંકિત) જોગવાઈ હેઠળ રૂપિયા ૧૫ લાખના કામો તથા ૫% પ્રોત્સાહક જોગવાઈના કામો માટે રૂપિયા ૫ લાખનું આયોજન સર્વાનુમતે મંજુર કરાયેલ છે .

વિકાસ કામોમાં પીવાના પાણી ના કામો,ભૂગર્ભ ગટર, કોઝવે, પેવર બ્લોક, સી. સી. રોડ વગેરે કામો જુદા જુદા ગામોના મંજુર કરેલ છે.

સ્થાનિક ટંકારા માટે લતીપર ચોકડીએ ઓવર બ્રિજ નીચે સૌચાલય બનાવવા માટે રૂપિયા ૫ લાખ, ટંકારા પોલીસ સ્ટેશન સામે વિદ્યાર્થીનીઓ માટે બસ સ્ટેન્ડ છાપરી માટે રૂપિયા ૩ લાખ, પોલીસ લાઈનમાં વનીકરણ માટે ૩.૫ લાખ તથા ભીલ સમાજના સ્મશાન ફરતે કમ્પાઉન્ડ વોલ બનાવવા રૂપિયા ૨.૫ લાખ મંજુર કરાયેલ છે.

ટંકારા તાલુકા પંચાયતના પ્રમુખ તથા તાલુકા વિકાસ અધિકારીએ રાજકોટ શહેરમાં ઓવર બ્રિજ નીચે સૌચાલય છે તે રીતે ટંકારા ખાતે પ્રજાને સુવિધા આપવા ઓવર બ્રિજ નીચે સૌચાલય બનાવવાનું આયોજન કરેલ છે. જે મુસાફરો માટે આશીર્વાદ રૂપ બનશે.

(11:33 am IST)
  • મહારાષ્ટ્રના રાજકારણમાં ધડબડાતી : મુંબઇ એન્ટિલિયા કેસમાં રોજ નવા નવા ધડાકાઓ થઈ રહ્યા છે. મળતા અહેવાલો મુજબ સચિન વાજેએ કોર્ટમાં લેખિત નિવેદન આપીને નવો ખુલાસો કર્યો છે. તેણે આરોપ લગાવ્યો છે કે મહારાષ્ટ્રના પૂર્વ ગૃહ પ્રધાન અનિલ દેશમુખની સાથે પરિવહન પ્રધાન અનિલ પરબે પણ તેને ગેરકાયદેસર વસૂલાત માટે લક્ષ્યાંક આપ્યા હતા. access_time 11:29 pm IST

  • મહારાષ્ટ્રમાં કોરોના ગાંડોતૂર બનતા દેશમાં અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 લાખને પાર પહોંચ્યો :વધુ 684 દર્દીઓના મોત: રાત્રે 12 વાગ્યા સુધીમાં કોરોનાના નવા 1,26,265 કેસ નોંધાયા :કુલ કેસની સંખ્યા 1,29,26,061 થઇ :એક્ટિવ કેસ 9,05,021 થયા વધુ 59,132 દર્દીઓ સ્વસ્થ થતા કુલ 1,18,48,905 થયા :વધુ 684 લોકોના મોત સાથે કુલ મૃત્યુઆંક 1,66,892 થયા: દેશમાં સૌથી વધુ મહારાષ્ટ્રમાં નવા 59,907 નવા કેસ નોંધાયા access_time 12:51 am IST

  • ભુપેન્દ્રસિંહ ચુડાસમાને કોરોના પોઝીટીવ : ગુજરાત સરકારના વધુ ઍક પ્રધાનને કોરોના વળગ્યો : રાજયના શિક્ષણમંત્રી શ્રી ભુપેન્દ્રસિંહ ચુડાસમા કોરોના સંક્રમિત બનતા તેમને યુ. ઍન. મહેતા હોસ્પિટલમાં દાખલ કરવામાં આવ્યા છે access_time 11:58 am IST