Gujarati News

Gujarati News

News of Thursday, 8th April 2021

ભાવનગર પંથકમાં પ્રેમીપંખીડાનો આપઘાત

મહુવાના ધરાઇમાં વિજ પોલ સાથે લટકીને જીવ દેતા અરેરાટી

(મેઘના વિપુલ હિરાણી દ્વારા) ભાવનગર તા. ૮ : ભાવનગર પંથકમાં પ્રેમી યુગલે વીજપોલ સાથે લટકી સજોડે આપઘાત વહોરી લીધો હતો.

બનાવની વિગતો એવી છે કે ભાવનગર જિલ્લાના મહુવા તાલુકાના ધરાઇ ગામે બગદાણા રોડ પર પીજીવીસીએલના પોલ સાથે દોરડાથી ફાંસો બાંધી યુવક અને યુવતિએ સજોડે આત્મહત્યા વહોરી લીધી હતી.

બનાવની જાણ થતાં પોલીસ બનાવ સ્થળે દોડી ગઇ હતી. મૃતક યુવાન સરતાનપર ગામે રહેતા કરણ ભદુરભાઇ બારૈયા (ઉ.૨૦) અને યુવતી ગટુલા ગામે રહેતી કિંજલબેન શાંતિભાઇ બાંભણીયા (ઉ.વ.૧૯) હોવાનું ખુલવા પામ્યું છે. બંને વચ્ચે પ્રેમસંબંધો હતા અને તેમના આ સબંધને સમાજ નહિ સ્વીકારે અને એક થવા નહિ દે તેમ વિચારી બન્ને પોતપોતાના ઘરેથી નીકળી ધરાઇ ગામની સીમમાં આવેલ વીજ પોલ સાથે દોરડું બાંધી ગળાફાંસો ખાઇ આપઘાત કરી લીધો હોવાનું પોલીસની પ્રાથમિક તપાસમાં ખુલવા પામ્યું છે. આ અંગે બગદાણા પોલીસ વધુ તપાસ ચલાવી રહી છે.

(11:00 am IST)
  • કુંભમેળામાં જતી હરિયાણાની 17 બસો ઉત્તરાખંડ બોર્ડર પરથી પરત: કોવિડ-19નો રિપોર્ટ નહિ હોવાના કારણે 17 બસોને ઉત્તરાખંડ બોર્ડર પરથી પરત મોકલી દેવાઈ :હરીયાણાના પાણીપતથી હરિદ્વાર માટે રવાના થયેલી 17 બસો ઉત્તરાખંડના બોર્ડર પરથી પરત મોકલનામાં આવી હતી. access_time 12:35 am IST

  • અપરાધીઓને પાતાળમાંથી પણ ગોતી કાઢશું : જેલભેગા કરી દઈશું : મુખ્તાર અંસારીને યુ.પી.ની જેલમાં ધકેલ્યા પછી મુખ્યમંત્રી યોગી આદિત્યનાથનું બંગાળમાં નિવેદન access_time 11:37 am IST

  • મહારાષ્ટ્રના રાજકારણમાં ધડબડાતી : મુંબઇ એન્ટિલિયા કેસમાં રોજ નવા નવા ધડાકાઓ થઈ રહ્યા છે. મળતા અહેવાલો મુજબ સચિન વાજેએ કોર્ટમાં લેખિત નિવેદન આપીને નવો ખુલાસો કર્યો છે. તેણે આરોપ લગાવ્યો છે કે મહારાષ્ટ્રના પૂર્વ ગૃહ પ્રધાન અનિલ દેશમુખની સાથે પરિવહન પ્રધાન અનિલ પરબે પણ તેને ગેરકાયદેસર વસૂલાત માટે લક્ષ્યાંક આપ્યા હતા. access_time 11:29 pm IST