Gujarati News

Gujarati News

News of Thursday, 8th April 2021

કચ્છમાં કાકી સામે છૂટું ધારિયુ ફેંકી મારવા દોડેલા કાકાની ભત્રીજાને હાથે હત્યા

પતિ પત્ની વચ્ચે મોબાઇલ ચાર્જ કરવાની આનાકાનીએ ઉગ્ર સ્વરૂપ લીધું : ભત્રીજાએ કાકાને ટપારતા બંને વચ્ચે ચકમકમાં હત્યા

(વિનોદ ગાલા દ્વારા) ભુજ તા. ૮ : પતિ પત્નીમાં સામાન્ય બાબતો વચ્ચે થતો કલેશ ઘણી વખત મોટું સ્વરૂપ ધારણ કરે છે. હા અને ના વચ્ચેના વેરમાં સહનશીલતાનો અભાવ ઝઘડામાં ઘી હોમવાનું કામ કરે છે અને દામ્પત્યજીવન જીવન નંદવાય છે, જેનો ભોગ નિર્દોષ સંતાનોને બનવું પડે છે.

રાપરના કીડિયાનગર ગામે વાડી વિસ્તારમાં રહી મજૂરી કરતાં પ્રવીણ વેરસી કોલીએ તેની પત્ની મીરાબેનને મોબાઈલ ચાર્જમાં મૂકવાનું કહેતા રસોઈ કરતી પત્નીએ પછી મૂકું છું, એવું કહેતા પતિ પ્રવીણ ઉશ્કેરાયો હતો.

પત્ની સાથે ઝઘડો કરી પ્રવીણ ધારિયું છૂટું ઘા કરતાં પત્ની પોતાના બે સંતાનો સાથે જીવ બચાવવા ઝૂંપડા બહાર દોડી ગઈ હતી.

પતિ પાછળ દોડ્યો હતો. દરમ્યાન પોતાના કાકાને કાકીને મારવા પાછળ દોડતાં જોઈને ભત્રીજા નરશી ભીખુ લાંબરિયાએ કાકાને ટપાર્યા હતા.

 જેના કારણે કાકા ભત્રીજા વચ્ચે બોલાચાલી થતાં ઉશ્કેરાટમાં ભત્રીજા નરશી એ કાકા પ્રવીણને માથામાં ધોકો ફટકારતાં તેનું મોત નિપજયું હતું.

આ બનાવ બાદ મૃતકની પત્નીએ ભત્રીજા સામે ફરિયાદ નોંધાવતા પોલીસે તેની ધરપકડ કરી છે.

(11:01 am IST)
  • મહારાષ્ટ્રમાં કોરોના ગાંડોતૂર બનતા દેશમાં અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 લાખને પાર પહોંચ્યો :વધુ 684 દર્દીઓના મોત: રાત્રે 12 વાગ્યા સુધીમાં કોરોનાના નવા 1,26,265 કેસ નોંધાયા :કુલ કેસની સંખ્યા 1,29,26,061 થઇ :એક્ટિવ કેસ 9,05,021 થયા વધુ 59,132 દર્દીઓ સ્વસ્થ થતા કુલ 1,18,48,905 થયા :વધુ 684 લોકોના મોત સાથે કુલ મૃત્યુઆંક 1,66,892 થયા: દેશમાં સૌથી વધુ મહારાષ્ટ્રમાં નવા 59,907 નવા કેસ નોંધાયા access_time 12:51 am IST

  • અમદાવાદમાં વધુ એક એસિડ એટેકની ઘટના : શારદાબેન હોસ્પિટલમાં લેબ ટેક્નિશયન પર એસિડ એટેક : શહેરકોટડા વિસ્તારમાં રહેતા એક શખ્શે બ્લડ ડોનેટ કરવા બાબતે તકરાર કરી હોસ્પિટલના લેબ ટેક્નિશિયન એસિડ એટેક કર્યો : હુમલો કરનાર વ્યક્તિ પ્રકાશ સોલંકી અનેક વખત બ્લડ ડોનેટ કરવા આવતો હતો ; સમગ્ર ઘટના સીસીટીવીમાં કેદ access_time 12:44 am IST

  • કોરોના સંક્રમણની રાજકોટ શહેર - જિલ્લામાં અતિભયજનક સ્થિતિ થતી જાય છે : ગઈકાલે સવારે 8 થી આજે સવારે 8 વાગ્યા સુધીમાં 31 લોકોના સરકારી ચોપડે દુઃખદ મૃત્યુ નોંધાયા : લોકો ફફળી ઉઠ્યા : આજ સવાર સુધીમાં સરકારી અને ખાનગી હોસ્પિટલોમાં 267 બેડ ઉપલબ્ધ access_time 10:10 am IST