Gujarati News

Gujarati News

News of Monday, 8th March 2021

જન ઔષધી કેન્દ્રો સાચા અર્થમાં જનસેવાનું માધ્યમ બન્યા : પૂનમબેન માડમ

જામનગરમાં સાંસદના અધ્યક્ષસ્થાને જન ઔષધી દિવસની ઉજવણી

જામનગર તા.૦૮: જામનગર ખાતે સાંસદ  પૂનમબેન માડમના અધ્યક્ષસ્થાને જનઔષધિ દિવસ-૨૦૨૧ની ઉજવણી કરવામાં આવી હતી. જેમાં પ્રધાનમંત્રી  નરેન્દ્રભાઈ મોદી દ્વારા દિલ્હીથી દેશના વિવિધ વિસ્તારના જનઔષધિ કેન્દ્રના સંચાલકો અને લાભાર્થીઓ સાથે પરિસંવાદ કરવામાં આવ્યો હતો. આ વર્ષે જન ઔષધિ દિવસની થીમ 'સેવા ભી ઓર રોજગાર ભી' અંતર્ગત પ્રધાનમંત્રી એ કહ્યું હતું કે, સમગ્ર દેશમાં ત્રણ વર્ષથી ચાલતી આ પ્રધાનમંત્રી જનઔષધિ પરિયોજના હેઠળ વિવિધ વિસ્તારોમાં લોકોને જીવન જરૂરી દવાઓ ખૂબ ઓછી કિંમતે મળી રહી છે. મધ્યમ વર્ગને, ગરીબોને દવાઓ માટે ક્યારેય આર્થિક તકલીફો વેઠવી ન પડે તે માટે આ પરિયોજના હેઠળ હજુ પણ આગામી દિવસોમાં અનેક જન ઔષધિ કેન્દ્ર ખોલી જનસેવાનું કાર્ય કરવામાં આવશે. સાથે જ આ કેંદ્રો થકી અનેક નવી રોજગાર તકો ઉત્પન્ન થઇ છે.

જામનગર ખાતે પૂનમબેન માડમ દ્વારા નવા જનઔષધી કેન્દ્રને  જનસેવા કેન્દ્ર તરીકે ખુલ્લું મુકવામાં આવ્યું હતું. આ તકે સાંસદ એ કહ્યું હતું કે, જે લોકોને રોજબરોજની દવાઓની આવશ્યકતા છે, તેમના આરોગ્યની દરકાર લઈ તેમને ઓછી કિંમતે દવાઓ મળી રહે અને આરોગ્યલક્ષી કોઈ સમાધાન આર્થિક તકલીફોના કારણે ન કરવું પડે તે ધ્યાને લઇ પ્રધાનમંત્રી એ જન ઔષધી કેન્દ્રના નિર્માણ થકી 'જનસેવા એ જ પ્રભુસેવા'ના મંત્રને સાર્થક કર્યો છે.

પ્રધાનમંત્રી એ પરિવારના વડીલની જેમ દીકરીઓની કાળજી લીધી છે. ફીમેલ હાઇજીન હોય કે ઘરે ઘરે શૌચાલયની વ્યવસ્થા કરવાની હોય દરેક સમયે મહત્વના નિર્ણય લઇ તેમણે સ્ત્રી સ્વાસ્થ્યની ચિંતા કરી છે. પ્રધાનમંત્રી  સ્ત્રી સશકિતકરણને વધુ મજબૂતીથી આગળ લઈ જઈ રહ્યા છે, ત્યારે આ અભિયાનમાં મહિલાઓને સશકત કરવા માટે પરિવારો પણ સંકલ્પ કરે અને વધુ જાગૃત થાય એવી અભ્યર્થના સાંસદ એ વ્યકત કરી હતી.

સાથે જ જેનેરિક મેડિસિન વિશે વધુ જાગૃતિ લાવી સાચા અર્થમાં જન ઔષધી કેન્દ્રને જન જન સાથે જોડવા માટેના પ્રયત્નો કરવા અને સ્વસ્થ જામનગર બનાવવા સાંસદ એ અપીલ કરી હતી.

આ કાર્યક્રમમાં શહેર ભાજપ પ્રમુખ   વિમલભાઈ કગથરા, પૂર્વ શહેર ભાજપ પ્રમુખ   હસમુખભાઈ હિંડોચા, પૂર્વ મેયર  પ્રતિભાબેન કનખરા, પૂર્વ ડેપ્યુટી મેયર  સુરેશભાઈ, જિલ્લા આરોગ્ય અધિકારી  બથવાર, વોર્ડના કોર્પોરેટર, વોર્ડ પ્રમુખો વગેરે આગેવાનો અને લાભાર્થીઓ ઉપસ્થિત રહ્યા હતા.

(1:11 pm IST)
  • ૧૯૪૯માં સી.બી. મુથમ્મા ભારતીય વિદેશ સેવામાં જોડાનાર પહેલા મહિલા હતા. access_time 2:59 pm IST

  • સર્વત્ર સર્વોત્તમ સુરક્ષા : NSG એ આજે આંતરરાષ્ટ્રીય મહિલા દિવસ પર પ્રથમ વખત તેની એલીટ મહિલા કમાન્ડો ટીમનો ફોટો બહાર પાડ્યો. access_time 7:16 pm IST

  • સરસ્વતી દેવી (મુળનામ ખોરશેદ મીનોચેર હોમજી) ભારતીય સીને ઉદ્યોગના પહેલા સંગીત નિર્દેશક હતા. તેમણે ૧૯૩૬માં ''અછૂત કન્યા'' સહિત ઘણી ફિલ્મોમાં સંગીત આપ્યુ હતું. access_time 3:00 pm IST