Gujarati News

Gujarati News

News of Monday, 8th March 2021

અનિડા ભાલોડી ગામે ૩૨ વર્ષ પહેલા હત્યાની ઘટનાનો ભાગેડુ બીલીમોરાથી ઝડપાયો

પત્નીએ પ્રેમી સાથેના આડા સંબંધમાં આડખીલી રૂપ પતિને કુહાડીના ઘા મરાવી કાશળ કઢાવી નાખ્યું હતુ

ગોંડલ,તા. ૮: તાલુકાના અનિડા ભાલોડી ગામે ૩૨ વર્ષ પહેલાં હત્યાના ગુન્હામાં મદદગારી કરનાર આરોપીને રાજકોટ ગ્રામ્ય AHTU શાખાના પોલીસે બીલીમોરાથી ઝડપી લઈ ગોંડલ તાલુકા પોલિસ હવાલે કર્યો હતો.

વિગતો મુજબ ગબત્રીસ વર્ષ પહેલાં ૧૯૮૯ માં વલ્લભભાઈ વશરામભાઈ પટેલની કુહાડીના ઘા મારી નિર્મમ હત્યા થવા પામી હતી, આ હત્યા વલ્લભભાઈ ના પત્ની સવિતા એ પ્રેમી મનસુખ સાથે મળી ને કરી હતી જેની મદદગારી માં શામાં ઉર્ફે શામજી કરશન કોળી ઉ.વ. ૫૮ રહે મૂળગામ ધોરી, તા. ધ્રાંગધ્રા વાળા ની પણ સંડોવણી હતી અને ત્યારથી નાસતો ફરતો હતો જે અંગેની બાતમી એએસઆઈ જગતભાઈ તેરૈયા, કોન્સ્ટેબલ મયુરભાઇ વિરડાને મળતા AHTU શાખાના પીએસઆઇ વાછાણી સહિતનાં ઓએ બીલીમોરા ખાતે આરોપીના ઘરે છાપો મારી પકડી પડ્યો હતો અને ગોંડલ તાલુકા પોલીસ હવાલે કર્યો હતો.

કપુરીયા ચોક અશોક નિવાસમાંથી દારૂનો જથ્થો મળી આવ્યોૅં

ગોંડલ સિટી પોલીસે કપુરીયા ચોકમાં રાજપૂત સમાજની વાડી પાસે ના અશોક નિવાસ મકાનમાં દરોડો પાડી વિદેશી દારૂનો જથ્થો કિંમત રૂપિયા ૩૦૦૬૦ પકડી પાડી આરોપી યશપાલ મુકેશભાઈ સાકરીયા (રહે નેશનલ હાઈવે માલધારી હોટલ પાછળ શિવમ પેલેસ) વાળાને ઝડપી લઇ કાર્યવાહી હાથ ધરી હતી ઉપરોકત દરોડા ટીમમાં પી.આઈ જાડેજા, પીએસઆઇ ઝાલા સહિતનાઓ જોડાયા હતા.

(12:13 pm IST)
  • સંઘ પ્રદેશના દમણમાં આજે રવિવારે એકી સાથે 9 જેટલા કોરોનાનાં પોઝિટિવ કેસ સામે આવતા આરોગ્ય વિભાગ દોડતું થયું access_time 11:31 pm IST

  • પેટ્રોલ-ડીઝલના ભાવ ફરી વધશે ? : બ્રેન્ટ ક્રૂડ ઓઇલ બેરલના ૭૧ ડોલરની વિક્રમ સપાટીએ પહોંચ્યું છે. પેટ્રોલ-ડીઝલના ભાવો ફરી વધવા સંભવ access_time 11:19 am IST

  • જંગલમાં વન્ય પ્રાણીઓ માટે પાણીના ૪૫૨ પોઈન્ટ ઉભા કરાશે: ઉનાળામાં પાણી માટે પ્રાણીઓને ભટકવું ન પડે તે માટે વન વિભાગનું આયોજન: પ્રાણીઓ માટે મધુવંતી, હિરણ, શિંગોડા, મછુન્દ્રી, રાવલ ડેમમાં પાણી આરક્ષિત access_time 12:59 am IST