Gujarati News

Gujarati News

News of Wednesday, 8th January 2020

કચ્છમાં ખનિજ માફિયાઓ સામે પોલીસનો સપાટોઃ ૧૨ વાહનો સાથે એક કરોડનો મુદ્દામાલ જપ્ત

નિરોણા ગામે સ્થાનિક પોલીસ અંધારામાં રહી અને એલસીબી ત્રાટકી

ભુજઃ તા.૮,  કચ્છમાં ખાણ ખનિજ વિભાગ અને સરકારના કાયદાઓની ખુલ્લેઆમ ઐસીતૈસી કરી બેખોફ બની ખનિજ ચોરી કરતા માફિયાઓ સામે હવે પોલીસ કડક બની છે. ભુજ તાલુકાના નિરોણા અને વટાછડ ગામ વચ્ચે નદીમાંથી રેતી ચોરીનું મોટું કૌભાંડ પશ્યિમ કચ્છ એલસીબીએ ઝડપી પાડ્યું છે. સ્થાનિક નિરોણા પોલીસને અંધારામાં રાખીને એલસીબીએ ભુજના ઈશાક જુમા નોડે દ્વારા કરાતી રેતી ચોરીનું મોટું કૌભાંડ ઝડપી પાડ્યું છે. કોઈ પણ જાતની પરમીટ વગર આ ખનિજ માફિયા દ્વારા કેટલી મોટી માત્રામાં રેતી ચોરી કરાતી હતી, તે પોલીસે ઝડપેલા વાહનો ઉપરથી જ ખ્યાલ આવી જાય છે. પોલીસે રેતી ચોરી કરતા સ્થળ ઉપરથી એક લોડર, બે રેતી ભરેલા આઈવા ડમ્પર અને ૯ ટ્રક સાથે કુલ ૧ કરોડ આઠ લાખનો મુદ્દામાલ જપ્ત કર્યો છે.

(11:46 am IST)
  • ભારતીય અને બેઇજિંગ દૂતાવાસએ ભારતના બધા નાગરિકો (વ્યક્તિગત / જૂથ)ને, ભારત અને ચાઇના વચ્ચેના રાજદ્વારી સંબંધોની 70 મી વર્ષગાંઠની ઉજવણી માટે લોગો ડિઝાઇન કરવા માટે જાહેર આમંત્રણ પાઠવ્યું છે. લોકોએ પોતાના ડીઝાઇન કરેલા લોગોની એન્ટ્રી press.beijing@mea.gov.in ઈમેઈલ પર તા. 20-01-2020 સુધીમાં પોતાના નામ, ઉમર, સંપૂર્ણ કોન્ટેક્ટ વિગત અને પોતે બનાવેલ લોગો ડીઝાઇનની ટૂંક વિગત સાથે મોકલવાની રહેશે તેમ એક યાદીમાં જણાવાયું છે. access_time 7:29 pm IST

  • ઈરાકના બે લોકેશન ઉપર ઈરાનમાંથી બે મિસાઈલો આજે સવારે છોડવામાં આવ્યા છે : વિગતો મેળવાઈ રહી છે : ઈરાકમાં આવેલ બે અમેરિકી લશ્કરી મથકો ઉપર ઈરાને ૨ મિસાઈલો જીકયા છે : ડોનાલ્ડ ટ્રમ્પે જાહેર કર્યુ છે કે બધુ સહી સલામત છે access_time 1:02 pm IST

  • અમદાવાદના અનુપમ ખોખરા માગઁ પર ખાનગી ડમ્પરએ બાઈકચાલકને અડફેટે લેતા ઘટનાસ્થળે મોત : અન્ય ઈજાગ્રસ્તને સારવાર માટે ૧૦૮ મારફત એલજી હોસ્પિટલમાં ખસેડાયો: પોલિસ કાફલો ઘટના પર પહોંચ્યો access_time 1:27 am IST