Gujarati News

જામનગરની જી,જી,હોસ્પિટલમાંથી નર્સ જેવી દેખાતી કોઈ યુવતી નવજાત બાળકીને ઉઠાવી જતા ખળભળાટ મચી જવા પામ્યો હતો પીળા કલરનો કુર્તો અને જાંબલી જેવા કલરની લેજીસ પહેરેલી કોઈ યુવતી નર્સના ડ્રેસમાં બાળકીને ઉઠાવી જતી સીસીટીવી ફુટેજમાં જોવા મળી હતી

 પોલીસે સઘન શોધખોળ બાદ બાળકી સહી સલામત મળી આવતા હશકારો અનુભવાયો છે આ બાળકીને ઉઠાવી જનાર યુવતીની શોધખોળ હાથ ધરાઈ છે

  આ અંગેની વિગત મુજબ જામનગર જી.જી.હોસ્પિટલના ગાયનેક વોર્ડમા થી આજે બપોરે જન્મેલી એક બાળકીને કોઈ અજાણી મહિલાને જેને નર્સ જેવો ડ્રેસ પેહરેલ હોય તે લઇ જવાની ઘટનાથી ભારે હાહાકાર મચી જવા પામ્યો હતો,ખુદ જીલ્લા પોલીસવડા સિંઘલ,ડીવાયએસપી જાડેજા સહિતનો કાફલો પણ બનાવની ગંભીરતાને જોતા હોસ્પિટલ ખાતે દોડી અને જુદી જુદી તપાસ ટીમો સીસીટીવીના વર્ણન ને આધારે કામે લગાવી હતી જેને લઈને જામનગર પોલીસને આ બાળકીને શોધી કાઢવામાં ગણતરીની કલાકોમાં સફળતા મળી છે,

  આ અંગે સીટી ડીવાયએસપી એ.પી.જાડેજા એ જણાવ્યું હતું કે હોસ્પિટલમાંથી ઉઠાવી જવાયેલ બાળકી ખોડીયાર કોલોની નજીક સુમનબેનના પુત્રી શિલ્પાબેનને સોંપીને જતી રહેલ.,અને જેને બાળકી સોંપવામાં આવી તેને આ મામલે પોલીસને જાણ કરતાં તુરંત જ પોલીસ પણ ત્યાં પહોચી ચુકી હતી,અને બાળકી નો કબજો મેળવ્યો હતો,કલાકોની અંદરજ ગુમ થયેલ નવજાત બાળકી તેના માતાપિતા ને પોલીસ દ્વારા જયારે સહીસલામત રીતે સુપ્રત કરવામાં આવી ત્યારે પોલીસ અને પરિવારજનો વચ્ચે પણ લાગણીસભર દ્રશ્યો સર્જાયા હતા,

  આ ઘટનામાં બાળકીને ઉઠાવી જનાર મહિલાની શોધખોળ પોલીસ દ્વારા જારી રાખવામાં આવી હોવાનું પણ જાડેજા એ જણાવ્યું હતું.