Gujarati News

Gujarati News

News of Friday, 7th December 2018

તાલાલાનાં આંબળાશ ગીરની સીમમાં ખેતરમાંથી સિંહણનો કોહવાયેલો મૃતદેહ મળ્યો :વનતંત્ર દોડ્યું

મૃતક સિંહણના વીસેરા લઈ તપાસ માટે લેબોરેટરીમાં મોકલી દેવાયા

તાલાલા તાલુકાના આંબળાશ ગીર ગામે ખેતરમાંથી કોહવાઈ ગયેલો સિંહણનો મૃતદેહ મળતા વન વિભાગની ટીમે બનાવના સ્થળે દોડી જઈ મૃતદેહ કબ્જે કરીને સિંહણનાં મૃત્યુ અંગે જરૂરી તપાસ હાથ ધરી છે.ત્રણ સિંહબાળ ગુમ થયાની પણ ચર્ચા ઉઠી હતી, પરંતુ વનતંત્રએ ઈન્કાર કર્યો છે.

 આ અંગે મળતી વિગત મુજબ આંબળાશ ગીર ગામની પૂર્વ બાજુની સીમમાં આવેલ ખીમાભાઈ મેણસીભાઈ ભોળાના ખેતરમાં સાતથી આઠ ફુટ ઉંચો તુવેરનો પાક ઉભો છે. તુવેરના પાકમાંથી દુર્ગંધ આવતી હોવાથી ખેડૂતે તપાસ કરતા સિંહણ નો મૃતદેહ પડયો હોવાથી તાલાલા ખાતેની વન વિભાગની કચેરીને જાણ કરતા આર.એફ.ઓ. સહિતનાં સ્ટાફે બનાવનાં સ્થળે દોડી જઈ સિંહણનો મૃતદેહ કબજે કર્યો હતો.

 સિંહણનો મૃતદેહ એકદમ કોહવાઈ ગયેલો હોવાથી વેટરનરી તબીબને બોલાવી સ્થળ ઉપર પી.એમ. કરી મૃતક સિંહણના વીસેરા લઈ તપાસ માટે લેબોરેટરીમાં મોકલી આપ્યા હતાં.

(12:13 pm IST)
  • જાતીય સતામણી કેસમાં ધરપકડ થયેલ મીકાસિંહનો સંયુક્ત આરબ અમીરાતમાં છુટકારો :17 વર્ષીય બ્રાઝીલીયન મોડલને વાંધાજનક ફોટા મોકલવાના કથિત ફરિયાદ બાદ ગાયક મીકાસિંહની ધરપકડ કરાઈ હતી :તેને બોલીવુડની ફિલ્મમાં કામ અપાવી દેવાનો પણ વાયદો કર્યો હતો :અબુધાબીના રાજદૂતના હસ્તક્ષેપ બાદ મીકાસિંહને મુક્તિ મળી ;હવે બાદમાં અદાલતમાં રજૂ થશે :મીકાસિંહની દુબઈમાં ધરપકડ કરાઈ હતી : ફરિયાદકર્તા પાસે અબુધાબીના વિઝા હોવાથી મીકાસિંહને અબુધાબી લઇ જવાયો હતો access_time 12:43 am IST

  • અમદાવાદ :વડાપ્રધાન નરેન્દ્રભાઈ મોદી વાઈબ્રન્ટ સમિટ પહેલા જાન્યુઆરીમાં ગુજરાત પ્રવાસે આવે તેવી શક્યતા :સરદાર પટેલ ઇન્સ્ટીટયુટ ઓફ રીસર્ચના ઉદ્ઘાટન પ્રસંગે આવી શકે છે ગુજરાત access_time 3:16 pm IST

  • સ્મૃતિ ઇરાનીનો મજાકિયો અંદાજ : ભગવાન મને ઉઠાવી લે : મને નહી મારા વજનને : સ્મૃતિ ઇરાનીની ઇન્સ્ટાગ્રામ એકાઉન્ટમાં તસ્વીર શેયરઃ તસ્વીરમાં પતિ જુબીન ઇરાની પણ સામેલ : પતિ જુબિન ઇરાનીએ મજાકમાં કહ્યુ આને પણ ઉઠાવી લ્યો : પતિ જુબીન ઇરાની પોસ્ટ પર કોમેન્ટ કરી : તે કયારેય ઇચ્છતા નથી એને ઉઠાવી લે : જીંદગીના ચઢાવ ઉતાર છેઃ કોઇ મને પૂછે, એમણે આગળ લખ્યુ મારા બાળકોની મા તમે બેહતરીન છોઃ સ્મૃતિ ઇરાનીએ આભાર માન્યો access_time 12:02 am IST