Gujarati News

Gujarati News

News of Friday, 7th December 2018

જસદણ ચૂંટણીમાં પલડુ ભારે કરવા ભાજપ મોટુ માથુ ખેડવવાની ફીરાક માં!

પેટાચૂંટણીના સમિકરણો જ ફેરવી નાખે તેવોઙ્ગ કોંગ્રેસને કમ્મરતોડ ઘા લાગશે?

રાજકોટ તા.૭: જસદણની પ્રતિષ્ઠાના જંગ સમી પેટાચૂંટણીમાં પ્રચાર બરાબરનો રંગ જામવાની શરૂ થઇ ગઇ છે. કોંગ્રેસ અને ભાજપે એડીચોટીનું જોર લગાડવા કમ્મર કસી છેે ત્યારે પેટાચૂંટણીના સમિકરણો જ ફેરવી નાખે તેવો કમ્મરતોડ ઘા મારવાની વેતરણમાં ભાજપના નેતાઓ ગુંથાયાના નિર્દેશો મળી રહયાં છે.

એકાદ બે દિવસમાં કોંગ્રેસનું મોટુ માથું ખેડવવામાં ભાજપ સફળ થાય તેવી ચર્ચાએ જોર પકડયું છે.

જસદણમાં પ્રચાર વેગવંતો બન્યો છે ત્યારે ભાજપ-કોંગ્રેસ તથા સોશ્યલ મીડિયામાં એક મેસેજે જોર પકડયું છે કે કોંગ્રેસનું એક મોટુ માથું ખડી રહયું છે.

ભાજપના અમુક જવાબદાર નેતાઓએ રાજકીય તોડફોડના ચક્રો ગતિમાન કર્યા છે અને મહદ્દ અંશે સફળતા મળ્યાનું અને કોંગ્રેસને જનોઇવઢ ઘા મારે તેવી ચર્ચા ભાજપ અને કોંગ્રેસમાં થઇ રહી છે.

એમ કહેવાય છે કે અત્યંત ગુપ્તતા સાથે આ ઓપરેશન હાથ ધરાયાનું મનાય છે જો કે કોંગ્રેસ વર્તુળોમાં ચર્ચાતી વિગતો મુજબ આ મોટુ માથું જસદણ, ભાવનગર કે સુરેન્દ્રનગર પંથકનું પણ હોઇ શકે છે.

(12:02 pm IST)
  • છોટાઉદેપુર ખાતે આવેલી લાંચ રૂશ્વત કચેરી માં ઘરફોડ ચોરી થઈ છેતસ્કરો દરવાજા ના ન્કુચા તોડી ઑફિસ માં પ્રવેશી તીજોરી માંથી 55, 000 રોકડા પાવડર વાળી નોટો લઇ ગયા છેતેમજ ગુનાના કામે વપરાયેલ કવર જેમા લાંચ રૂશ્વત માં પકડાયેલા આરોપી ઓ ના જવાબના કવરો પણ ફાડી ને લઇ ગયા છે access_time 3:56 pm IST

  • વડોદરા :સ્કૂલ કમ્પાઉન્ડમાં સ્કૂલવાનમાં આગ :સ્કૂલવાનમાંથી વિદ્યાર્થીઓને ઉતારી લેવાયા :સદનસીબે કોઈ અનિચ્છનીય ઘટના ન બની :પાદરા ફાયરવિભાગે આગ પર કાબૂ મેળવ્યો :પાદરાની ડી.ડી. પટેલ શારદા હાઈસ્કૂલની ઘટના access_time 3:30 pm IST

  • સુરતની ઓલપાડ મામલતદાર કચેરીમાં ઘટના: સુરત કલેકટરનો વેચાણ પરવાનગી આપતો ખોટો હુકમ બનાવી ખોટો રાઉન્ડ વારો સિક્કો મારી જમીન પચાવી પાડવાનું કાવતરું બહાર આવ્યું :ઓલપાડના સોંસક ગામે આદિવાસીની ૭૩-એએ ની જમીન પચાવી પાડવા રચાયું કાવતરું: ઓલપાડ મામલતદારએ ઓલપાડ પોલીસ સ્ટેશન નોંધાવી ફરિયાદ: કીર્તિભાઈ પટેલ, દલશુખ નારોલા- કતારગામ - સુરત, ભરત ભાઈ નામના ત્રણ ઈસમો સામે નોંધાવી ફરિયાદ: સમગ્ર મામલે ઓલપાડ પોલીસે વધુ તપાસ હાથ ધરી. access_time 9:29 pm IST