Gujarati News

Gujarati News

News of Friday, 7th December 2018

જીલ્લા ભાજપ મહિલા મોરચામાં ગાબડુ પાડવા માટે કોંગ્રેસના તબીબનું ઓપરેશન

આજે વીસેક ભાજપ મહિલા હોદ્દેદારો કોંગ્રેસી ખેસ પહેરી શકે છે

રાજકોટ, તા. ૭ : જસદણની પેટાચૂંટણીને અનુલક્ષીને ભાજપ અને કોંગ્રેસ અકબીજાના આગેવાનોને ખેડવવા માટે પ્રયત્નશીલ થયા છે. ત્યારે જીલ્લા ભાજપ મહિલા મોરચામાં ગાબડુ પાડવા માટે સક્રિય બનેલા કોંગ્રેસના જાણીતા ન્યુરોસર્જન ડો. હેમાંગ વસાવડાને સફળતા મળી હોવાનું મનાય છે. સંભવત આજે બપોરે રાજકોટ જીલ્લા ભાજપના વીસેક મહિલા હોદ્દેદારો તેમના ટેકેદારો સાથે કોંગ્રેસનો ખેસ પહેરશે તેવા વાવડ મળી રહ્યા છે.

જસદણ ચૂંટણી પ્રચાર દરમિયાન કોંગ્રેસી વર્તુળોમાંથી મળતા અહેવાલો મુજબ ગઇકાલે બપોરે ગુજરાત પ્રદેશ કોંગ્રેસના ઉપાધ્યાક્ષ ડો. હેમાંગ વસાવડાએ જસદણ આવીને અમુક ગુફતેગુ કર્યા બાદ રાજકોટ જીલ્લા ભાજપના મહિલા મોરચાના નારાજ વીસેક હોદ્દેદારોને આજે રાજકોટ ખાતે ડોકટરના નિવાસ સ્થાને કોંગ્રેસી ખેસ પહેરાવવાના ચક્રો ગતિમાન થયાનું મનાય છે.

એમ કહેવાય છે કે ગુજરાત પ્રદેશ કોંગ્રેસના હોદ્દેદારોની ઉપસ્થિતિમાં જીલ્લા ભાજપ મહિલા મોરચાના બે ડઝન જેટલા હોદ્દેદારો તથા આગેવાનોને કોંગ્રેસમાં પ્રવેશ આપવામાં આવશે.

એક તરફ ભાજપના આગેવાનો કોંગ્રેસના મોટા માથાને ખેડવવા માટેની ફીરાકમાં છે ત્યારે કોંગ્રેસ પણ વળતો ધા મારવા પ્રયત્નશીલ છે.

જસદણની પેટાચૂંટણીને અનુલક્ષીને બન્ને પક્ષ તડ-જોડના ઓપરેશનમાં ધ્યાન કેન્દ્રીત કર્યાનું મનાય છે.

 

(12:03 pm IST)
  • સુરતની ઓલપાડ મામલતદાર કચેરીમાં ઘટના: સુરત કલેકટરનો વેચાણ પરવાનગી આપતો ખોટો હુકમ બનાવી ખોટો રાઉન્ડ વારો સિક્કો મારી જમીન પચાવી પાડવાનું કાવતરું બહાર આવ્યું :ઓલપાડના સોંસક ગામે આદિવાસીની ૭૩-એએ ની જમીન પચાવી પાડવા રચાયું કાવતરું: ઓલપાડ મામલતદારએ ઓલપાડ પોલીસ સ્ટેશન નોંધાવી ફરિયાદ: કીર્તિભાઈ પટેલ, દલશુખ નારોલા- કતારગામ - સુરત, ભરત ભાઈ નામના ત્રણ ઈસમો સામે નોંધાવી ફરિયાદ: સમગ્ર મામલે ઓલપાડ પોલીસે વધુ તપાસ હાથ ધરી. access_time 9:29 pm IST

  • ૬ રાજયોના પેપર લીક થયાનું ખુલ્યુ : વધુ ૩થી ૪ શંકાસ્પદની અટકાયત : એટીએસની તપાસ : યશપાલ સહિત ૩ આરોપીઓને કોર્ટમાં લઈ જવાયા : પોલીસ ૧૪ દિવસના રિમાન્ડની માંગણી કરશે : મોબાઈલ કોલ ડિટેઈલની પણ તપાસ કરાશે access_time 3:27 pm IST

  • છોટાઉદેપુર ખાતે આવેલી લાંચ રૂશ્વત કચેરી માં ઘરફોડ ચોરી થઈ છેતસ્કરો દરવાજા ના ન્કુચા તોડી ઑફિસ માં પ્રવેશી તીજોરી માંથી 55, 000 રોકડા પાવડર વાળી નોટો લઇ ગયા છેતેમજ ગુનાના કામે વપરાયેલ કવર જેમા લાંચ રૂશ્વત માં પકડાયેલા આરોપી ઓ ના જવાબના કવરો પણ ફાડી ને લઇ ગયા છે access_time 3:56 pm IST