Gujarati News

Gujarati News

News of Friday, 7th December 2018

દેવભૂમિ દ્વારકા ખાતે શનિવારે મંત્રી ભુપેન્દ્રસિંહના હસ્તે કામોનો શુભારંભ થશે

દેવભૂમિ દ્વારકામાં ૧૦મીએ જિલ્લા કક્ષાનો ભરતી મેળો

દેવભૂમિ દ્વારકા, તા.૬: શનિમંદિર હાથલા, જિ.દેવભૂમિ દ્વારકા ખાતે વિકાસ કામોનો શૂભારંભ શિક્ષણ મંત્રીશ્રી ભુપેન્દ્રસિંહ ચુડાસમા આગામી તા.૭ના રોજ કરવાના છે. આ કાર્યક્રમની પુર્વ તૈયારીના ભાગરૂપે આજે કલેકટરશ્રી જે.આર.ડોડીયાના અધ્યક્ષ સ્થાને કલેકટર કચેરી, દેવભૂમિ દ્વારકા મુ. ખંભાળીયાના સભાખંડમા બેઠક યોજાઇ હતી. કલેકટરશ્રી ડોડીયાએ કાર્યક્રમની પ્રાથમિક માહિતી આપી કાર્યક્રમના સ્થળે લાઇટ, મંડપ, પાણી વગેરે જેવી વ્યવસ્થા તેમજ પુજા માટેની વ્યવસ્થા માટે જરૂરી સુચનાઓ તથા માર્ગદર્શન આપ્યું હતું. આ કાર્યક્રમમાં શિક્ષણમંત્રી ભુપેન્દ્રસિંહ ચુડાસમા ઉપરાંત મંત્રીશ્રી આર.સી. ફળદુ તથા પૂર્વ મંત્રીશ્રી બાબુભાઇ બોખીરીયા પણ ઉપસ્થિત રહેશે.

આ બેઠકમાં કાર્યપાલક ઇજનેરશ્રી ઓઝા, દ્વારકા પ્રાંત અધિકારીશ્રી જાડેજા, ભાણવડ મામલતદારશ્રી પંજાબી, તાલુકા વિકાસ અધિકારીશ્રી ચાવડા, ડી.આઇ.એલ.આર.ના સર્વેયરશ્રીઓ તથા સરપંચશ્રીઓ વગેરે ઉપસ્થિત રહયા હતા.

દેવભૂમિ દ્વારકામાં રોજગાર ભરતીમેળો

ગુજરાત રાજયની  રોજગાર નીતિ ને ધ્યાનમાં રાખી રોજગાર ક્ષેત્રે યુવાનોનું પ્રતિનિધિત્વ વધે તે ઝુંબેશ સ્વરૂપે જીલ્લા રોજગાર કચેરી-દેવભૂમિ દ્વારકા દ્વારા જીલ્લા કક્ષાના રોજગાર ભરતી મેળાનું તા.૧૦ના રોજ ૧૧-૦૦ કલાકે આઇ.ટી.આઇ. જામ ખંભાળીયા ખાતે આયોજન કરવામાં આવેલ છે.

આ ભરતી મેળામાં જુદા જુદા સર્વિસ સેકટરના નોકરી દાતાઓ ઉપસ્થિત રહેનાર છે. તેમજ રોજગાર વાચ્છુક ઉમેદવારો પોતાના પગભર થઈ શકે અને પોતાનો ધંધો રોજગાર સ્થાપિત કરી શકે તે માટે સ્વરોજગાર શિબિરનું પણ આયોજન કરેલ છે. આ ભારતીમેળા-સ્વરોજગાર શિબિરમાં ધોરણ ૧૦/૧૨ કે તેનાથી વધુ લાયકાત ધરાવતા ઉમેદવારો ભાગ લઇ શકશે. ઉમર મર્યાદા ૧૮ થી ૩૫ રહેશે. નોકરી દાતાઓ સ્થળ પર જ હાજર રહી તેમની ખાલી જગ્યાઓ માટે સ્થળ પર જ પસંદગી કરશે.

આજોબફેરમાં લાયકાત ધરાવતા ઉમેદવારોએ સ્વખર્ચે ઇન્ટરવ્યુંમાં ઉપસ્થિત રહી શકાશે. તમામ અસલ અને નકલ પ્રમાણપત્રો સાથે બે ફોટોગ્રાફ તેમજ બાયોડેટા સાથે ઇન્ટરવ્યુંમાં હાજર રહેવા જણાવવામાં આવેલ છે. આ જોબફેરમાં સ્વરોજગાર શિબિરમાં રોજગાર કચેરી- દેવભૂમિ દ્વારકા ખાતે નામ નોંધણી ન હોય તેવા ઉમેદવારો પણ ભાગ લઇ શકશે. રજીસ્ટ્રેશન સવારે ૧૦:૦૦ વાગ્યે સ્થળ પર જ કરવામાં આવશે. જેની ઉમેદવારોએ નોંધ લેવી. તેમ રોજગાર અધિકારી દેવભૂમિ દ્વારકાની યાદીમાં જણાવવામાં આવેલ છે.(૨૩.૨)

(11:58 am IST)
  • રાજકોટ : અંગ્રેજી કેલેન્ડર પ્રમાણે આજે પ્રમુખ સ્વામી મહારાજનો ૯૮મો જન્મજયંતિ મહોત્સવ : ૪૦૦ જેટલા ગરીબ દર્દીઓના નિઃશુલ્ક ઓપરેશન માટે રજીસ્ટ્રેશન પ્રક્રિયા કરાઈ access_time 3:20 pm IST

  • સ્મૃતિ ઇરાનીનો મજાકિયો અંદાજ : ભગવાન મને ઉઠાવી લે : મને નહી મારા વજનને : સ્મૃતિ ઇરાનીની ઇન્સ્ટાગ્રામ એકાઉન્ટમાં તસ્વીર શેયરઃ તસ્વીરમાં પતિ જુબીન ઇરાની પણ સામેલ : પતિ જુબિન ઇરાનીએ મજાકમાં કહ્યુ આને પણ ઉઠાવી લ્યો : પતિ જુબીન ઇરાની પોસ્ટ પર કોમેન્ટ કરી : તે કયારેય ઇચ્છતા નથી એને ઉઠાવી લે : જીંદગીના ચઢાવ ઉતાર છેઃ કોઇ મને પૂછે, એમણે આગળ લખ્યુ મારા બાળકોની મા તમે બેહતરીન છોઃ સ્મૃતિ ઇરાનીએ આભાર માન્યો access_time 12:02 am IST

  • સુરતની ઓલપાડ મામલતદાર કચેરીમાં ઘટના: સુરત કલેકટરનો વેચાણ પરવાનગી આપતો ખોટો હુકમ બનાવી ખોટો રાઉન્ડ વારો સિક્કો મારી જમીન પચાવી પાડવાનું કાવતરું બહાર આવ્યું :ઓલપાડના સોંસક ગામે આદિવાસીની ૭૩-એએ ની જમીન પચાવી પાડવા રચાયું કાવતરું: ઓલપાડ મામલતદારએ ઓલપાડ પોલીસ સ્ટેશન નોંધાવી ફરિયાદ: કીર્તિભાઈ પટેલ, દલશુખ નારોલા- કતારગામ - સુરત, ભરત ભાઈ નામના ત્રણ ઈસમો સામે નોંધાવી ફરિયાદ: સમગ્ર મામલે ઓલપાડ પોલીસે વધુ તપાસ હાથ ધરી. access_time 9:29 pm IST