Gujarati News

Gujarati News

News of Friday, 7th December 2018

ભાવનગર રેલ્વે ડીવીઝન ખુદાબક્ષ મુસાફરો પ્રત્યે કડકઃ ૪ર.પ૦ લાખનો દંડ કર્યો

ભાવનગર તા.૭: પશ્ચિમ રેલ્વે ભાવનગર ડિવીઝન દ્વારા વગર ટિકિટે મુસાફરી કરનારાઓ ઉપર તવાઇ બોલાવાઇ છે અને નવેમ્બર-ર૦૧૮ એક મહિનામાં રૂ.૪ર.પ૦ લાખના દંડની વસુલાત કરીને શ્રેષ્ઠ કામગીરી કરી હતી.

પશ્ચિમ રેલ્વે ભાવનગર ડિવીઝન દ્વારા મે-ર૦૧૭ થી વિના ટીકીટે અથવા અનિયમિત ટિકીટ ઉપર યાત્રા કરવા વાળા સામે સઘન અભિયાન ચલાવાઇ રહ્યું છે. જેના પરિણામેબુકીંગ કર્યા વિનાના સામાન, વગર ટીકીટે યાત્રા કરવા તથા ભિખારીઓનો અતિરેક અને ગેરકાયદેસર ફેરી વાળાઓને બહાર કરી તેઓની પાસેથી દંડ વસુલવામાં આવેલ.

ભાવનગર ડિવીઝનની વિવિધ સ્ટેશનો તેમજ ટ્રેનોમાંથી નવેમ્બર-ર૦૧૮ના મહિનામાં ડિવીઝનલ રેલ્વે મેનેજર રૂપા શ્રીનિવાસનના માર્ગદર્શન હેઠળ ડીસીએમ માશુક અહેમદ તથા સહાયક પ્રબંધક નિલાદેવી ઝાલાની આગેવાની હેઠળ વિશેષ ટિકીટ ચેકીંગ અભિયાન ચલાવવામાં આવ્યું હતું. જેમાં નવેમ્બર-ર૦૧૭માં ૬પર૮ કેસોમાં ર૧,૧૮૯૧૦નો દંડ કરાયેલ તેની તુલનામાં નવેમ્બર-ર૦૧૮ના મહિનામાં વિશેષ અભિયાન દરમ્યાન ૯૪૩ર કેસોમાં ૪ર,પ૦,૦૬૦નો દંડ વસુલવામાં આવ્યો હતો જે ગત નવેમ્બરની તુલનાએ ડબલ થયો હતો. ભાવનગર ડિવીઝન દ્વારા વગર ટિકીટે રેલયાત્રા કરવા વાળા સામે નિયમીત રૂપથી આવીકડક કાર્યવાહી ચલાવવાનું નકકી કરવામાં આવ્યું છે. રેલ્વે દ્વારા યાત્રીકોને વધુ સારી સુવિધા ઉપલબ્ધ કરાવવા તથા વગર ટિકીટે મુસાફરી કરતા લોકોને બંધ કરાવવાના ઉદેશથી ભાવનગર ડિવીઝન દ્વારા કઠોર કદમ ઉઠાવાયા છે. ત્યારે વિના ટિકીટે રેલ મુસાફરી ન કરવા પણ લોકોને ડીસીએમ માશુક અહેમદ દ્વારા અનુરોધ કરાયો છે. (૧૧.૪)

(11:55 am IST)
  • દેશના પાંચ રાજ્યોની ધારાસભાની ચૂંટણીઓના એક્ઝિટ પોલ શરૂ : ટાઈમ્સ નાવ તથા CNX એક્ઝિટ પોલ મુજબ તેલંગાણામાં TRS સત્તા જાળવી રાખશે : MP માં ભગવો લહેરાશે : રાજસ્થાનમાં કોંગ્રેસનું શાસન આવશે :છત્તીસગઢમાં બી.જે.પી.નું શાસન જળવાઈ રહેવાની શક્યતા access_time 6:16 pm IST

  • ઇતિહાસકાર રામચંદ્ર ગુહાએ બીફ ખાતા પોસ્ટ કર્યો ફોટો ;કહ્યું ભાજપ શાસિત ગોવામાં જશ્ન માનવી રહયો છું :રામચંદ્ર ગુહા ભાજપની નીતિઓના ટીક્કાકાર છે :આગાઉ અમદાવાદ યુનિવર્સીટીમાં ભણાવવા ઇન્કાર કર્યો હતો : ગુહાએ ટ્વીટ કર્યું કે જુના ગોવામાં જાદુઈ સવાર ગુજાર્યા બાદ પણજીમાં લંચ કર્યું :ગોવા ભાજપ શાસિત છે એટલા માટે જશ્નમાં મેં બીફ ખાવા નિર્ણંય કર્યો :ગુહાએ ગોવાની કેટલીક તસવીરો પણ પોસ્ટ કરી હતી access_time 12:36 am IST

  • ગીરસોમનાથ :તાલાલાના બોરવાવ ગામે પીતાની નજર સામે 8 વર્ષના પૂત્ર પર દિપડાએ કર્યો હુમલો:પિતાએ દીપડાનો પીછો કરતા ઇજાગ્રસ્ત પૂત્રને છોડી દીપડો નાસી છુટ્યો :વનવીભાગે બે પીંજરા મૂકતા હુમલાખોર દીપડો ઝડપાયો access_time 3:30 pm IST