Gujarati News

Gujarati News

News of Friday, 7th December 2018

વડીયાના ધનસુખપુરી ગોસ્વામીનું જેતપુર (કાઠી)માં એકટીવાની ઠોકરે ચડતાં મોત

ઇલેકટ્રીકનો સામાન લેવા ગયા ને ઠોકરે ચડી ગયાઃ બાવાજી પ્રોૈઢે રાજકોટ સિવિલ હોસ્પિટલમાં દમ તોડ્યોઃ પરિવારમાં ગમગીની

રાજકોટ તા. ૬: અમરેલીના વડીયા ગામે મોરભાઇ ચોકમાં રહેતાં અને ઇલેકટ્રીક ચીજવસ્તુની દૂકાન ધરાવતાં ધનસુખપુરી રેવાપુરી ગોસ્વામી (ઉ.૫૪) નામના બાવાજી પ્રોૈઢ નજીકના જેતપુર (કાઠી) ગામે પંખાનો સામાન લેવા ગયા ત્યારે રસ્તા પર ચાલીને જતાં હતાં તે વખતે એકટીવાની ઠોકરે ચડી જતાં ગંભીર ઇજા થતાં મોત નિપજતાં પરિવારમાં અરેરાટી વ્યાપી ગઇ છે.

ધનસુખપરી ગઇકાલે બપોરે પોતાના ગામથી નજીકના જેતપુર ગામે દૂકાનનો સામાન લેવા ગયા હતાં ત્યારે આ બનાવ બન્યો હતો. જેતપુર સારવાર અપાવી રાજકોટ સિવિલ હોસ્પિટલમાં ખસેડાયા હતાં. પરંતુ અહિ દમ તોડી દીધો હતો. મૃત્યુ પામનાર ધનસુખપુરી બે ભાઇ અને પાંચ બહેનમાં મોટા હતાં. સંતાનમાં એક પુત્ર અને એક પુત્રી છે. મોભીના મોતથી બાવાજી પરિવારમાં ગમગીની છવાઇ ગઇ છે. હોસ્પિટલ ચોકીના જગુભા ઝાલા અને રાજદિપસિંહ ચોૈહાણે કાગળો કરી અમરેલી પોલીસને જાણ કરી હતી.

(11:49 am IST)
  • ભારતના ચિફ ઇકોનોમિક એડ્વાઇઝર તરીકે ક્રિષ્નામૂર્થી સુબ્રમનિયમની નિમણુંક : IIT/IIM પૂર્વ ટોપ રેન્કિંગ સ્ટુડન્ટ તથા અમેરિકાના શીકાગોમાંથી Ph.D ડિગ્રી મેળવી હૈદ્રાબાદની બિઝનેસ સ્કૂલમાં એક્ઝિક્યુટિવ ડિરેક્ટર તરીકે સેવાઓ આપતા ક્રિષ્નામૂર્થી 3 વર્ષ માટે દેશના ચીફ ઇકોનોમિક એડવાઈઝર તરીકે સેવાઓ આપશે access_time 5:46 pm IST

  • વડોદરા જિલ્લાનાવાઘોડિયા તાલુકામાં ફાર્મહાઉસ માં દરોડો પાડીનેવસવેલ ગામની સીમમાં ફાર્મહાઉસ માં દારૂની મેહફીલ માણતા૧૪ નબીએનોની વાઘોડિયા પોલીસે કરી ધરપકડ18 લક્ઝરી કારો સહીત લાખથી વધુનોમુદામાલ કબજે કર્યો છે access_time 3:56 pm IST

  • મોરબીના રવાપર ધૂનડા રોડ પર નવા બની રહેલાં બિલ્ડીંગમાં લિફ્ટના ખાચામાં યુવકનો મૃતદેહ મળી આવતા ચકચાર મચી છેપ્રાથમિક તપાસમાં પોલીસને મૃતક યુવાન પરપ્રાંતિય હોવાનું જાણવા મળ્યું છેપોલીસે સમગ્ર બનાવ ની ગંભીરતાપૂર્વક નોંધ લઈ યુવાન ના મોત અંગેનું કારણ અને પરિવારની શોધખોળ હાથ ધરી છે access_time 3:56 pm IST