Gujarati News

Gujarati News

News of Friday, 7th December 2018

ભાવનગરનો પાલીતાણા-જેસર રોડ બિસમાર :રોડમાં ડામર પાથર્યા બાદ રેતીના ઢગલા કર્યા:લોકોમાં રોષ

ભાવનગરમાં પાલીતાણા-જેસર રોડની કામગીરી દરમ્યાન રોડમાં ગાબડાં પડવા લાગતા લોકોમાં ભારે રોષ પ્રવર્તી રહ્યો છે. પાલીતાણા ડેમ નજીકની જેસર ચોકડીથી જેસર સુધી આ રોડનું કામ શરૂ કરવામાં આવ્યું છે.

 રસ્તામાં આવતા વિવિધ નાળાઓ પહોળા કરી રોડ બનાવવાની કામગીરીનો કોન્ટ્રાક્ટ ઓમ કન્સ્ટ્રક્શન કંપનીને અપાયો છે. પરંતુ જેસર ચોકડીથી વડાલ ગામ સુધી થોડા કિલોમીટરનો જ ડામર રોડ બન્યો છે.ત્યાં જ તેમાં મોટા-મોટા ગાબડાઓ પડી ગયા છે. રોડમાં જ્યાં ડામર પાથરી દેવામાં આવ્યો છે ત્યાં રોડ સંપૂર્ણ તૂટી ગયેલો નજરે પડે છે. એક તરફ રોડનું કામ આગળ ધપી રહ્યું છે તો બીજી તરફ પાછળ-પાછળ રોડ તૂટી રહ્યો છે.

  પરિણામ રોડ પર ડામર પાથર્યા બાદ ફક્ત રેતીના ઢગલા કરવામાં આવ્યા હોય તેવું લાગી રહ્યું છે.ગ્રામજનોએ કોન્ટ્રકટર દ્વારા મોટા પાયે ભ્રષ્ટાચાર આચરવામાં આવ્યો હોવાનો આક્ષેપ કરી તંત્ર દ્વારા રોડના કામમાં થઇ રહેલી ગેરરીતિ અટકાવવાની માંગણી કરી છે.

 

(7:51 pm IST)
  • સ્મૃતિ ઇરાનીનો મજાકિયો અંદાજ : ભગવાન મને ઉઠાવી લે : મને નહી મારા વજનને : સ્મૃતિ ઇરાનીની ઇન્સ્ટાગ્રામ એકાઉન્ટમાં તસ્વીર શેયરઃ તસ્વીરમાં પતિ જુબીન ઇરાની પણ સામેલ : પતિ જુબિન ઇરાનીએ મજાકમાં કહ્યુ આને પણ ઉઠાવી લ્યો : પતિ જુબીન ઇરાની પોસ્ટ પર કોમેન્ટ કરી : તે કયારેય ઇચ્છતા નથી એને ઉઠાવી લે : જીંદગીના ચઢાવ ઉતાર છેઃ કોઇ મને પૂછે, એમણે આગળ લખ્યુ મારા બાળકોની મા તમે બેહતરીન છોઃ સ્મૃતિ ઇરાનીએ આભાર માન્યો access_time 12:02 am IST

  • સુરતની ઓલપાડ મામલતદાર કચેરીમાં ઘટના: સુરત કલેકટરનો વેચાણ પરવાનગી આપતો ખોટો હુકમ બનાવી ખોટો રાઉન્ડ વારો સિક્કો મારી જમીન પચાવી પાડવાનું કાવતરું બહાર આવ્યું :ઓલપાડના સોંસક ગામે આદિવાસીની ૭૩-એએ ની જમીન પચાવી પાડવા રચાયું કાવતરું: ઓલપાડ મામલતદારએ ઓલપાડ પોલીસ સ્ટેશન નોંધાવી ફરિયાદ: કીર્તિભાઈ પટેલ, દલશુખ નારોલા- કતારગામ - સુરત, ભરત ભાઈ નામના ત્રણ ઈસમો સામે નોંધાવી ફરિયાદ: સમગ્ર મામલે ઓલપાડ પોલીસે વધુ તપાસ હાથ ધરી. access_time 9:29 pm IST

  • રોબર્ટ વાડ્રા વિરુદ્ધ બદલાની ભાવનાથી કામ કરી રહી છે મોદી સરકાર :વાડ્રા વિરુદ્ધ ઇડીની કાર્યવાહીથી કોંગ્રેસ ગિન્નાઈ :વિધાનસભાની ચૂંટણીમાં હાર ભાળી જવાથી હતાશ થઈને ઇડીના દરોડા પાડયા :કોંગ્રેસ પ્રવક્તા રણદીપ સુરજેવાલાએ કહ્યું કે બદલો લેવા જુના હથિયારોનો સહારો લઈને લોકોનું ધ્યાન ભટકવા પ્રયાસ કર્યો :આ પ્રકારની કાયરતા અને ધમકીભરી કાર્યવાહીથી કોંગ્રેસ અને તેના લોકો ઝુકવાના નથી access_time 1:01 am IST