Gujarati News

Gujarati News

News of Thursday, 7th November 2019

નિકાવા પાસે કારે રિક્ષાને ઉલાળીઃ રાજકોટના પાંચ બહેનના એક જ ભાઇ ૧૭ વર્ષના બલદેવનું મોતઃ માતા-બહેનને ઇજા

રણુજાનગરમાંથી કોળી મહિલા ગીતાબેન પુત્ર-પુત્રીને લઇ કાલાવડ દિકરીના ઘરે બેસવા જતા'તા ત્‍યારે બનાવઃ પરિવારમાં કલ્‍પાંત

તસ્‍વીરમાં ઘાયલ પૈકીના પૂનમ ટીડાણી અને ઘટના સ્‍થળે કાર તથા રિક્ષા જોઇ શકાય છે

રાજકોટ તા. ૭: કાલાવડના નિકાવા અને આણંદપર વચ્‍ચે સાંજે સીએનજી રિક્ષા સાથે ધડાકાભેર કાર અથડાતાં રિક્ષા ઉંધી વળી જતાં તેમાં બેઠેલા રાજકોટના ૧૭ વર્ષના કોળી યુવાનનું ગંભીર ઇજા થતાં મોત નિપજ્‍યું હતું. જ્‍યારે તેના માતા અને બહેનને ઇજા થઇ હતી. રણુજાનગરમાં રહેતાં કોળી મહિલા દિકરા અને દિકરીને સાથે લઇ કાલાવડ રહેતી મોટી દિકરીના ઘરે બેસવા જઇ રહ્યા હતાં ત્‍યારે આ બનાવ બન્‍યો હતો. કાળનો કોળીયો બનેલો યુવાન પાંચ બહેનનો એકનો એક ભાઇ હતો.

જાણવા મળ્‍યા મુજબ નિકાવા અને આણંદપર વચ્‍ચે પેટ્રોલ પંપ નજીક સાંજે જીજે૦૩એયુ-૩૦૮ નંબરની રિક્ષા સાથે જીજે૦૩સીએ-૯૩૫૫ નંબરની વેગનઆર કાર ધડાકાભેર અથડાતાં રિક્ષા ઉંધી વળી ગઇ હતી. તેના ચાલકનો બચાવ થયો હતો. પરંતુ અંદર મુસાફર તરીકે બેઠેલા કોઠારીયા રોડ રણુજાનગરના ગીતાબેન ગોપાલભાઇ ટીડાણી (કોળી) (ઉ.૪૫), તેના પુત્ર બલદેવ ગોપાલભાઇ (ઉ.૧૭) અને પુત્રી પૂનમ ગોપાલભાઇ (ઉ.૨૦)ને ઇજાઓ થતાં સારવાર માટે રાજકોટ સિવિલ હોસ્‍પિટલમાં ખસેડાયા હતાં. પરંતુ અહિ બલદેવનું મોત નિપજ્‍યું હતું.

હોસ્‍પિટલ ચોકીના દેવશીભાઇ ખાંભલા અને રામજીભાઇએ કાલાવડ જાણ કરી હતી. ગીતાબેનની એક દિકરી પૂજાબેન રમેશભાઇ ઝંઝવાડીયા કાલાવડ સાસરે છે. દિવાળીમાં ત્‍યાં બેસવા ગયા ન હોઇ ગઇકાલે તેઓ ઘર પાસેથી રિક્ષા ભાડે કરી કાલાવડ દિકરીના ઘરે જવા નીકળ્‍યા હતાં. સાથે તેની દિકરી પૂનમ અને દિકરો બલદેવ પણ હતાં.  મોતને ભેટેલો બલદેવ માતા-પિતાનો એકનો એક લાડકવાયો અને પાંચ બહેનનો એક જ ભાઇ હતો. તે કારખાનામાં કામ કરતો હતો. તેના પિતા ટ્રક ડ્રાઇવીંગ કરે છે. બનાવથી પરિવારમાં કલ્‍પાંત સર્જાયો હતો. કાલાવડ પોલીસે જરૂરી કાર્યવાહી કરી હતી.

(11:25 am IST)
  • વડાપ્રધાન નરેન્દ્રભાઈ મોદી આગામી ૧૩ અને ૧૪ નવે. બ્રાઝીલની મુલાકાતે જઈ રહ્યા છેઃ તેઓ બ્રિકસ મીટીંગમાં હાજરી આપશે access_time 6:26 pm IST

  • ચીનમાં બાળકોને ઓનલાઇન ગેમ રમવા સમયે લાગશે કર્ફ્યુ : ચીનની સરકારે વિડિઓ ગેમની લત પર કાબુ મેળવવા સગીર બાળકોને ઓનલાઇન ગેમ રમવા સમયે કર્ફ્યુ લગાડવા કરી જાહેરાત : ચીનમાં 18 વર્ષથી ઓછી વયના બાળકો રાત્રે 10થી સવારના 8 વાગ્યા દરમિયાન ગેમ રમવા પર પ્રતિબંધ : બાળકોને દિવસમાં માત્ર 90 મિનિટ અને અઠવાડિક રજામાં ત્રણ કલાક ગેમ રમવાની મંજૂરી access_time 1:21 am IST

  • મહા વાવાઝોડુ હવે વાવાઝોડુ રહ્યુ નથી અને ગુજરાતના દરિયાકાંઠા સાથે ટકરાયા વિના સમુદ્રમાં જ ડિપ્રેશનમાં ફેરવાઈ ગયુ છે` access_time 6:24 pm IST