Gujarati News

Gujarati News

News of Monday, 7th October 2019

કંડલા સ્પે. ઇકોનોમિક ઝોન- કાસેઝમા સુરક્ષા કર્મીઓ ઉપર દિન દહાડે ઘાતક શાસ્ત્રો વડે હુમલો કરાતાં ચકચાર

(ભુજ) કંડલા સ્પેશ્યલ ઇકોનોમિક ઝોન કાસેઝ માં સુરક્ષા કર્મીઓ ઉપર કરાયેલા ઘાતક હુમલાએ ચકચાર સર્જી છે. અંદર એન્ટ્રીના મુદ્દે ના પાડતા અજાણ્યા શખ્સો દ્વારા સુરક્ષા કર્મીઓ ઉપર તલવાર અને લાકડીઓ વડે જાહેરમાં હુમલો કરાયો હતો. સીસી ટીવી કેમેરામાં હુમલાખોરો અને આ બનાવના દ્રશ્યો કેદ થયા છે. જેમાં ઘાતક હુમલો તેમ જ આ બનાવ દરમ્યાન અન્ય અવરજવર પણ થઈ રહી છે. સુરક્ષાની મોટી મોટી જાહેરાતો અને એલર્ટ વચ્ચે કંડલા બંદરે આવેલ સેઝમાં હુમલાખોરો ઘાતક હુમલો કરે અને સુરક્ષા કર્મીઓ પોતાના બચાવ માટે દોડધામ કરે એવા દ્રશ્યો તેમ જ પોલીસ જેવી સ્થાનિક સુરક્ષા એજન્સીની અસામાજિક તત્વો ઉપર ઓસરતી ધાક ઘણું બધું કહી જાય છે. ગત ૫ ઓક્ટોબરના બનેલ આ બનાવ સોશ્યલ મીડિયાને પગલે અત્યારે ચર્ચામાં આવ્યો છે.

(1:20 pm IST)
  • હેગીબસ વાવાઝોડુ મજબૂત બન્યુ : આવતા અઠવાડીયે જાપાન ઉપર ત્રાટકવાનો ભયઃ આજે રાત્રે મેરીઆના ટાપુઓ ઉપર ત્રાટકશેઃ 'હેગીબસ' મજબૂત બની ટાયકૂન વાવાઝોડામાં ફેરવાયુ છે અને આજે રાત્રે મેરીઆના ટાપુઓ ઉપરથી પસાર થશે અને આવતા અઠવાડીયે જાપાન ઉપર ત્રાટકવાનો ભય હોવાનું વિદેશના જાણીતા ખાનગી વેધર એનાલીસ્ટ જણાવે છે access_time 11:25 am IST

  • બગદાદના ગવર્નરે આપ્યું રાજીનામુ : ઇરાકમાં વિરોધ પ્રદર્શન યથાવત : ઇરાકમાં સરકાર વિરુદ્ધ વ્યાપક વિરોધ પ્રદર્શન વચ્ચે બગદાદના ગવર્નર ફલાહ અલ જજેરીએ રાજીનામુ આપ્યું : ઇરાકમાં હિંસક પ્રદર્શનમાં અત્યાર સુધીમાં 113 લોકોના મોત : 4000થી વધુ લોકો ઘાયલ access_time 1:04 am IST

  • અલ્પેશ ઠાકોર અને ધવલસિંહ ઝાલાને ચૂંટણી લડવા પર રોક લગાવવા સુનાવણી હાથ ધરાવશેઃ ગત સપ્તાહે હાઇકોર્ટમાં કરાયેલી અરજી પર આજે સુનાવણી હાથ ધરાશે access_time 11:25 am IST