Gujarati News

Gujarati News

News of Monday, 7th October 2019

વિંછીયા : નદીમાં ડૂબી ગયેલ યુવાનના પરિવારજનોને સહાય ચુકવવા રજૂઆત

વિંછીયા તા.૭ : તાલુકાના મોટી લાખાવાડ ગામે તાજેતરમાં ડૂબી ગયેલા મૃતક યુવાનના પરિજનોને આર્થિક સહાય આપવા તથા મોટી લાખાવાડ ગામમાં પુલ બનાવવા કોળી વિકાસ સંગઠનના પ્રમુખ એ કેબીનેટ પ્રધાન કુંવરજીભાઇ બાવળીયા અને જિલ્લા કલેકટરને પત્ર પાઠવી રજૂઆત કરી છે.

કોળી વિકાસ સંગઠનના પ્રમુખ મુકેશભાઇ રાજપરાએ રજૂઆતમાં જણાવ્યા મુજબ માલઢોર માટે ઘાસચારો લેવા ગયેલ લાખાવાડ ગામનો યુવાન પાણીમાં ડૂબી અકસ્માતે મૃત્યુ પામ્યો છે. જેના પરિવારજનોને તાકિદે આર્થિક સહાય આપવા તેમજ લાખાવાડ ગામની વચ્ચોવચ ભાદરનદી પસાર થતી હોય ચોમાસામાં અવારનવાર પૂરના સમયે અરધુ ગામમાં બાજુને અરધુ ગામ પેલી બાજુ હોય જીવના જોખમે નદી ટપીને જવુ પડે છે. જેને લીધે લોકોની કિંમતી જીંદગી જોખમાઇ છે.

જેને નિવારવા સરકારશ્રી વહેલી તકે મોટી લાખાવાડ ગામમાં પસાર થતી ભાદર નદી પર સત્વરે પુલ બનાવી આપે તેવી માંગ કરવામાં આવી છે.

(11:55 am IST)
  • બગદાદના ગવર્નરે આપ્યું રાજીનામુ : ઇરાકમાં વિરોધ પ્રદર્શન યથાવત : ઇરાકમાં સરકાર વિરુદ્ધ વ્યાપક વિરોધ પ્રદર્શન વચ્ચે બગદાદના ગવર્નર ફલાહ અલ જજેરીએ રાજીનામુ આપ્યું : ઇરાકમાં હિંસક પ્રદર્શનમાં અત્યાર સુધીમાં 113 લોકોના મોત : 4000થી વધુ લોકો ઘાયલ access_time 1:04 am IST

  • તેલંગણા સરકારનું અભૂતપૂર્વ કડક પગલું : હડતાલ ઉપર ઉતરેલા રોડ ટ્રાન્સપોર્ટના 48 હજાર કર્મચારીઓ સસ્પેન્ડ : 12 હજાર કરોડની ખોટ અને 5 હજાર કરોડનું દેવું ધરાવતા ટ્રાન્સપોર્ટ કોર્પોરેશનના કર્મચારીઓની માંગણીઓ સ્વીકારી શકાય નહીં : મુખ્યમંત્રી ચંદ્રશેખર રાવની ઘોષણાં access_time 12:51 pm IST

  • લખનૌ-આગ્રા એક્સપ્રેસ -વે પર ઉભેલી ટ્રક પાછળ કાર ટકરાતા ભાજપના ધારાસભ્યના ભાઈ-બહેન અને બે ભાણેજના કરૂણમોત : એક ગંભીર: ઉન્નાવ જિલ્લાના હ્સનગંજ ક્ષેત્રમાં ગમખ્વાર અકસ્માત માં ગોઉંડા જિલ્લાના મેહનોં વિધાનસભા ક્ષેત્રના ભાજપના ધારાસભ્ય વિનય દ્વિવેદીના પિતરાઈ ભાઈ બહેન અને બે ભાણેજોના કરૂણમોત access_time 1:04 am IST