Gujarati News

Gujarati News

News of Monday, 7th October 2019

ભાવનગર : એક ભાઇની હત્યા બીજો ગંભીર

મોણપર ગામે નવરાત્રીના ગરબા રમવા જતી બહેનો સામે શું કામ એન્ટ્રી પાડે છે ? તેમ કહીને બે શખ્સો હથિયારો સાથે તૂટી પડયા

ભાવનગર, તા. ૭ : ભાવનગરના મોણપર ગામે નવરાત્રીના ગરબા રમવા જતી બહેનો સામે શું કામ એન્ટ્રી પાડે છે તેમ કહી બે શખ્સોએ છરી-તલવાર જેવા હીથયારો વડે બે સગાભાઇઓ પર જીવલેણ હુમલો કરતા એકની હત્યા થઇ છે. જયારે બીજાને હોસ્પિટલ ખસેડાયેલ છે.

ખૂનના આ બનાવની વિગતો એવી છે કે, ભાવનગર જીલ્લાના વલભીપુર તાલુકાના મોણપર ગામે રહેતા ભરવાડ વજાભાઇ લક્ષ્મણભાઇ આલોગોતર ઉ.વ.૩૪ અને તેના ભાઇ શેલાભાઇ લક્ષ્મણભાઇ આલગોતર ઉ.વ.૪૦ ગઇ રાત્રે ગામના પાદરે ઉભા હતાં ત્યારે આ જ ગામના ભરત સુરસંગ ચૌહાણ અને ગજેન્દ્ર સુરસંગ ચૌહાણ નામના બે શખ્સો તલવાર, છરી જેવા હથિયારો સાથે આવી 'અમારા બૈૈરાઓ જતાં હોય છે ત્યારે તમો શું કામ એન્ટી પાડીને નીકળો છો ?' તેમ કહી શંકા રાખી હુમલો કરતા વજાભાઇ આલગોતર ઉ.વ.૩૪નું મોત નિપજયું હતું. જયારે શેલાભાઇને ગંભીર ઇજા થતાં તેને હોસ્પિટલ ખસેડાયેલ છે.

હત્યાના બનાવથી પોલીસ કાફલો દોડી આવ્યો હતો અને પોલીસે તકેદારીના રૂપે શેરી ગરબાના રાત્રે આયોજન શરૂ હતાં તે બંધ કરાવ્યા હતા. આ બનાવથી નાના એવા મોણપર ગામમાં ચકચાર મચી જવા પામી છે. આ બનાવ અંગે વલભીપુર પોલીસ સ્ટેશનમાં ભરત સુરસંગ ચૌહાણ અને રાજેન્દ્ર સુરસંગ ચૌહાણ વિરૂદ્ધ ફરીયાદ નોંધાવાતા પોલીસે ગુન્હો નોંધી તપાસ હાથ ધરી છે. આ બનાવની તપાસ પી.એસ.આઇ. એમ.ડી. મકવાણા ચલાવી રહ્યા છે.

(11:42 am IST)
  • કાલે મધ્યરાત્રીથી આકાશમાં ડેક્રોનીકસ ઉલ્કા વરસશેઃ ચાર દિવસ સુધી નજારો નિહાળી શકાશે : રાત્રે ૧ થી પરોઢીયા સુધી રોમાંચકતા માણવાનો શ્રેષ્ઠ સમય : ફટકાડાની આતશબાજી જેવી આતશબાજી જામશે : ભારત જન વિજ્ઞાન જાથા દ્વારા અમદાવાદ રાજકોટ સહીત ૧૬ શાખાઓ પર ઉલ્કા નિહાળવા ખાસ વ્યવસ્થા : રસ ધરાવતા જીજ્ઞાષુઓએ અવકાશી ખગોળીય ઘટના અચુક નિહાળવા જાથાના રાજય ચેરમેન એડવોકેટ જયંત પંડયા (મો.૯૮૨૫૨ ૧૬૬૮૯) નો અનુરોધ access_time 11:25 am IST

  • દેશની 49 હસ્તીઓ વિરુદ્ધ ફરિયાદ દાખલ કરનાર વકીલના નિશાના પર છે મુખ્યમંત્રી કેજરીવાલ અને ઇમરાનખાન : વકીલ સુધીરકુમાર ઓઝાએ વડાપ્રધાન મોદીના નામ પર ખુલ્લો પત્ર લખનાર 49 હસ્તીઓ વિરુદ્ધ એફઆઈઆર દાખલ કરવી છે : 1996થી અત્યાર સુધીમાં 745 પીઆઈએલ દાખલ કરાવનાર વકીલ સુધીર ઓઝા હવે કેજરીવાલે આરોગ્ય સબંધે કરેલ ટિપ્પણી અને યુનોમાં ઇમરાને કરેલ ભાષણ સામે મોરચો ખોલશે access_time 1:05 am IST

  • અલ્પેશ ઠાકોર અને ધવલસિંહ ઝાલાને ચૂંટણી લડવા પર રોક લગાવવા સુનાવણી હાથ ધરાવશેઃ ગત સપ્તાહે હાઇકોર્ટમાં કરાયેલી અરજી પર આજે સુનાવણી હાથ ધરાશે access_time 11:25 am IST