Gujarati News

Gujarati News

News of Saturday, 7th July 2018

ધોરાજીના ભાડેરમાં હત્યા કેસમાં રાજપૂત સમાજ દ્વારા આવેદન

ધોરાજી : તાલુકાના ભાડેર ગામે પટેલ આઘેડની હત્યામાં આરોપી તરીકે નિર્દોષ રાજપૂત સમાજના લોકોને ખોટી રીતે ફીટ કરી દેવાયા હોવાની રજૂઆત સાથે રાજપૂત સમાજ દ્વારા રેલી સ્વરૂપે પ્રાંત અધિકારીને આવેદનપત્ર અપાયું હતું. ક્ષત્રિય સમાજના ધોરાજી, ઉપલેટા, જામકંડોરણા, ભાડેર સહિત ગામોમાંથી બહોળી સંખ્યામાં આવેલા ક્ષત્રિય આગેવાનો પ્રતિપાલસિંહ જાડેજા, જનકસિંહ જાડેજા, અભેસંગજી વાઘેલા, ગંભીરસિંહ વાળા, હરપાલસિંહ, જયદેવસિંહ વાળા, હરપાલસિંહ જાડેજાએ પ્રાંત અધિકારીને લેખતિ  મૌખિક રજૂઆતમાં જણાવેલ છે. જીવણભાઇ આંગાણીની હત્યા આરોપી તરીકે ભાવસંગ નનુભા જયુભા જીતુભા રઘુવીરસિંહ જયુભા, પૃથ્વીસિંહ ભાવસીંગહ, તેમજ દિગુભા જયુભા તદન નિર્દોષ છે. હત્યાના બનાવના સમયે આ તમામ આરોપી અન્ય શહેરમાં કે કોઇ કામકાજ સબબ બહારગા હતાં જેના અન્ય શહેરના સી.સી. ટીવી ફુટેજ કે અનય પુરાવા એકત્રીત કરાઇ તો તેમની સંડોવણી ખોટી રીતે થઇ હોવાનું ફલીત થાય. ફરીયાદી પક્ષ દ્વારા રાજકીય વગનો મોટા પાયે ઉપયોગ થાઇ છે. ક્ષત્રિય આગેવાન અને પૂર્વ તાલુકા પંચાયત પ્રમુખ જામકંડોરણાના પ્રતિપાલસિંહ જાડેજાએ જણાવેલ કે ભાડેર ગામે બનેલો બનાવ દુઃખદ છે તેની નિંદા કરીએ છીએ આથી અન્ય હત્યામાં વાસ્તવીક રીતે જેની સંડોવણી હોય તે ગમે તે જાતીના હોય કડક પગલા ભરવા જોઇએ. (તસ્વીર-અહેવાલ : કિશોર રઠાોડ-ધોરાજી)

(1:38 pm IST)
  • ખિસ્સાવાળા જેકેટમાં દારૂની હેરાફેરી કરતા બે શખ્શોની સુરતના મહિધરપુરાથી ધરપકડ :બંને દમણથી ખિસ્સાવાળા જેકેટમાં દારૂની બોટલ લાવ્યા હતા :જેકેટ ઉપરાંત પગમાં પણ સેલોટેપ મારીને દારૂની બોટલો સંતાડીને લાવ્યા હતા.:આ બંને પાસેથી 96 જેટલી દારૂની બોટલ શરીર પરથી પોલીસે કબજે કરી access_time 1:34 am IST

  • દક્ષિણ ગુજરાતમાં દરિયાઇ પટ્ટામાં ભારેથી અતિભારે વરસાદની આગાહી કરવામાં આવી છે. સાથે સાથે દરિયાકાંઠે વસતા માછીવારોને દરિયો ન ખેડવા માટે પણ સૂચન કરાયું છે. ભારે આગાહી વચ્ચે વલસાડ, નવસારી, ડાંગ, તાપી, દમણમાં ભારે વરસાદની આગાહી કરવામાં આવી છે. સાથે સાથે વરસાદી માહોલ વચ્ચે વલસાડ અને વાપી સહિતાના અનેક વિસ્તારોમાં વીજળીના કડાકા સાથે તોફાની વરસાદ શરૂ થયો હતો. બીજી તરફ અમેરલીના દામનગર શહેર અને ગ્રામ્ય વિસ્તારમાં સતત એક કલાક ધોધમાર વરસાદ ખાબક્યો હતો. વલસાડમાં 48 કલાકમાં ભારે વરસાદની આગાહી હવામાન ખાતા દ્વારા કરવામાં આવી છે. મળતી માહિતી પ્રમાણે શનિવારે સાંજે ઘપમપુરમાં ત્રણ ઇંચ વરસાદ હતો. તો સુરતમાં ત્રણ કલાકમાં બે ઇંચ વરસાદ ખાબક્યો હોવાની માહિતી મળી હતી. આ સાથે આસપાસના વિસ્તારોમાં 1થી 2 ઇંચ વરસાદ પડ્યો હોવાની માહિતી મળી રહી છે. access_time 1:20 am IST

  • વિશ્વ હિંદુ પરિષદે ફરીથી એકવાર અયોધ્યામાં રામ મંદિર બનાવવાના મુદ્દા અંગે સરકાર પર દબાણ કરવાનું શરૂ કરી દીધુ છે. વિહિપે સરકારને રામજન્મભૂમિ-બાબરી મસ્જિદ વિવાદને ઉકેલવા માટે ઓગસ્ટ, 2018 સુધીનો સમય આપ્યો છે. જો આનો કોઈ ઉકેલ નહિ નીકળે તો વિહિપ આને મોટા નેતાઓ સામે લઈ જશે જેમાં સંગઠનના શક્તિશાળી પદાધિકારીઓ સાથે સાધુ-સંતો પણ શામેલ હશે. access_time 1:19 am IST